ବେଙ୍ଗାଲୁରୁରେ ଜେଜେଙ୍କ ଘରେ ପହଞ୍ଚିଲେ ରଚିନ ରବୀନ୍ଦ୍ର, ଖୁସିରେ ଆତ୍ମବିଭୋର ପରିବାର

ବିଶ୍ବକପ୍‌ ୨୦୨୩ରେ ବେଙ୍ଗାଲୁରୁରେ ଶ୍ରୀଲଙ୍କା ବିପକ୍ଷ ବିଜୟ ପରେ ନିଜ ଜେଜେଙ୍କ ଘରେ ପହଞ୍ଚିଲେ ନ୍ୟୁଜିଲାଣ୍ଡ ଖେଳାଳି ରଚିନ ରବୀନ୍ଦ୍ର । ଖୁସିରେ ଆତ୍ମବିଭୋର ପରିବାର । ଅଧିକ ପଢ଼ନ୍ତୁ

ବେଙ୍ଗାଲୁରୁ: ଚଳିତ ବିଶ୍ବକପ୍‌ ୨୦୨୩ରେ ଟିମ୍‌ ଇଣ୍ଡିଆ ଦମଦାର ପ୍ରଦର୍ଶନ ଜାରି ରହିଛି । ହେଲେ ଆପଣ ଜାଣିଛନ୍ତି କି ? ବିଶ୍ବକପ୍‌ ୨୦୨୩ରେ ସର୍ବାଧିକ ରନ ସଂଗ୍ରହକାରୀ ନ୍ୟୁଜିଲାଣ୍ଡ ବ୍ୟାଟର ରଚିନ ରବିନ୍ଦ୍ର ମଧ୍ୟ ଜଣେ ଭାରତୀୟ ବଂଶୋଦ୍ଭବ । ଗୁରୁବାର ବେଙ୍ଗାଲୁରୁର ଏମ୍‌ ଚିନ୍ନାସ୍ବାମୀ ଷ୍ଟାଡିୟମରେ ଶ୍ରୀଲଙ୍କା ବିପକ୍ଷ ମ୍ୟାଚ୍‌ରେ ଦମଦାର ପ୍ରଦର୍ଶନ କରିଥିଲେ ରଚିନ । ଏହାପରେ ସେ ବେଙ୍ଗାଲୁରୁ ସ୍ଥିତ ନିଜ ଜେଜେଙ୍କ ଘରକୁ ଯାଇଥିଲେ । ଏଠାରେ ତାଙ୍କ ଜେଜେ ମାଆ ରଚିନଙ୍କୁ ଦେଖି ଆତ୍ମବିଭୋର ହୋଇଥିବା ଦେଖିବାକୁ ମିଳିଥିଲା । ଏହାର ଭିଡିଓ ମଧ୍ୟ ସାମାଜିକ ଗଣମାଧ୍ୟମରେ ବେଶ ଭାଇରାଲ ହେଉଛି ।

• जय श्री राम 🕉
  Blessed to have such an amazing family. Grandparents are angels whose memories and blessings stay with us forever. pic.twitter.com/haX8Y54Sfm

  — Rachin Ravindra (@RachinRavindra_) November 10, 2023 " class="align-text-top noRightClick twitterSection" data="

  जय श्री राम 🕉
  Blessed to have such an amazing family. Grandparents are angels whose memories and blessings stay with us forever. pic.twitter.com/haX8Y54Sfm

  — Rachin Ravindra (@RachinRavindra_) November 10, 2023

  ">

  जय श्री राम 🕉
  Blessed to have such an amazing family. Grandparents are angels whose memories and blessings stay with us forever. pic.twitter.com/haX8Y54Sfm

  — Rachin Ravindra (@RachinRavindra_) November 10, 2023

ଜେଜେଙ୍କ ଘରକୁ ଯାଇଥିବା ସମୟର ଭିଡିଓ ରଚିନ ନିଜେ ମଧ୍ୟ ନିଜ ଏକ୍ସ ହ୍ୟାଣ୍ଡେଲ୍‌ରେ ପୋଷ୍ଟ କରିଛନ୍ତି । ଏହି ଭିଡିଓରେ ଦେଖିବାକୁ ମିଳୁଛି ଯେ, ରଚିନ ଚୌକିରେ ବସିଛନ୍ତି । ଏଠାରେ ତାଙ୍କ ଜେଜେ ମାଆ ଠାକୁରଙ୍କୁ ପ୍ରାର୍ଥନା କରି ରଚିନଙ୍କୁ ଆଶୀର୍ବାଦ କରୁଛନ୍ତି । ରଚିନଙ୍କ ଉପରୁ ଖରାପ ଦୃଷ୍ଟି ଦୂର କରିବା ପାଇଁ ତାଙ୍କ ଜେଜେ ମାଆ ଏକ ପାରମ୍ପାରିକ ରୀତିନୀତି କରୁଥିବାର ଏକ ହୃଦୟସ୍ପର୍ଶୀ ଭିଡିଓ ଭାଇରାଲ ହୋଇଛି । ପ୍ରଶଂସକମାନେ ମଧ୍ୟ ଏହାକୁ ବେଶ ପସନ୍ଦ କରୁଛନ୍ତି ।

ବିଶ୍ବକପ୍‌ ୨୦୨୩ରେ ୨୩ ବର୍ଷୀୟ ରଚିନ ଉତ୍କୃଷ୍ଟ ଫର୍ମରେ ରହିଛନ୍ତି । କ୍ରିକେଟ୍‌ କ୍ୟାରିୟରର ପ୍ରଥମ ବିଶ୍ବକପ୍‌ ଖେଳୁଥିବାବେଳେ ଦମଦାର ପ୍ରଦର୍ଶନ କରି ସେ ସର୍ବାଧିକ ରନ୍‌ ସଂଗ୍ରହକାରୀ ବ୍ୟାଟର ପାଲଟିଛନ୍ତି । ଏହା ବ୍ୟତୀତ ସେ ଅନ୍ତର୍ଜାତୀୟ କ୍ରିକେଟ୍‌ ପରିଷଦ (ଆଇସିସି) ଦ୍ବାରା ଅକ୍ଟୋବର ମାସର ଶ୍ରେଷ୍ଠ କ୍ରିକେଟର ଭାବରେ ମଧ୍ୟ ମନୋନୀତ ହୋଇଛନ୍ତି । ଏହି ବିଶ୍ବକପ୍‌ରେ ସେ ୯ଟି ମ୍ୟାଚ୍‌ ଖେଳି ୩ ଶତକ ଓ ୨ ଅର୍ଦ୍ଧଶତକ ସହିତ ଏପର୍ଯ୍ୟନ୍ତ ୫୬୫ ରନ୍‌ ସଂଗ୍ରହ କରିସାରିଲେଣି । ଏହା ସହିତ ସଚିନ୍‌ ତେନ୍ଦୁଲକରଙ୍କ ନାମରେ ରହିଥିବା ୨୫ ବର୍ଷ ବୟସ ପୂର୍ବରୁ ସର୍ବାଧିକ ରନ୍ ରେକର୍ଡ ମଧ୍ୟ ଭାଙ୍ଗିଛନ୍ତି ରଚିନ ।

ପ୍ରକାଶ ଥାଉ, ଦୁଇ ମହାନ ଭାରତୀୟ କ୍ରିକେଟ୍ ଖେଳାଳି ରାହୁଲ ଦ୍ରାବିଡ ଏବଂ ସଚିନ ତେନ୍ଦୁଲକରଙ୍କ ନାମକୁ ମିଶାଇ ନ୍ୟୁଜିଲାଣ୍ଡ ପାଇଁ କ୍ରିକେଟ୍‌ ଖେଳୁଥିବା ଏବି ଭାରତୀୟ ବଂଶୋଦ୍ଭବଙ୍କ ନାମ ରଚିନ୍‌ ରଖାଯାଇଛି । ଏହି ବ୍ୟାଟର ବିଶ୍ବକପ୍‌ ୨୦୨୩ରେ ସଫଳତାର ସହ ନିଜର ଅନନ୍ୟ ପରିଚୟ ସୃଷ୍ଟି କରିଛନ୍ତି । ପାକିସ୍ତାନ, ଇଂଲଣ୍ଡ ଏବଂ ଅଷ୍ଟ୍ରେଲିଆ ଭଳି ଶକ୍ତିଶାଳୀ ଦଳ ବିପକ୍ଷରେ ରଚିନ୍ ୩ ବିଶ୍ବକପ୍‌ ଶତକ ହାସଲ କରିଛନ୍ତି । ଶ୍ରୀଲଙ୍କା ବିପକ୍ଷ ବିଜୟ ମ୍ୟାଚ୍‌ ପରେ ସେ ବେଙ୍ଗାଲୁରୁରେ ତାଙ୍କ ଜେଜେବାପାଙ୍କ ଘରକୁ ଯାଇଥିଲେ । ଯାହାର ଫଟୋ ଓ ଭିଡିଓ ଏବେ ସାମାଜିକ ଗଣମାଧ୍ୟମର ଶିରୋନାମା ପାଲଟିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ