ବିଶ୍ବକପ୍‌ ୨୦୨୩ ଫାଇନାଲ୍‌: ସୁରକ୍ଷା ବ୍ୟବସ୍ଥାରେ ଢିଲା ! 'ଫ୍ରି ପାଲେଷ୍ଟାଇନ୍‌' ଗଞ୍ଜି ପିନ୍ଧି ପଡ଼ିଆରେ ପଶିଲେ ଯୁବକ

ବିଶ୍ବର ସବୁଠାରୁ ବଡ଼ ଷ୍ଟାଡିୟମରେ ବିଶ୍ବକପ୍‌ ୨୦୨୩ ଫାଇନାଲ୍‌ ମ୍ୟାଚ୍‌ ଖେଳାଯାଉଛି । ହେଲେ ଏଠାରେ ସୁରକ୍ଷା ବ୍ୟବସ୍ଥାରେ ବଡ଼ ତ୍ରୁଟି ଦେଖିବାକୁ ମିଳିଛି । ମ୍ୟାଚ୍‌ ଅଧାରୁ 'ଫ୍ରି ପାଲେଷ୍ଟାଇନ୍‌' ଲେଖାଥିବା ଗଞ୍ଜି ପିନ୍ଧି ପଡ଼ିଆରେ ପଶିଲେ ଯୁବକ । ଅଧିକ ପଢ଼ନ୍ତୁ

ଅହମ୍ମଦାବାଦ: ବିଶ୍ବକପ୍‌ ୨୦୨୩ ଫାଇନାଲ୍‌ ଭଳି ବଡ଼ ମ୍ୟାଚ୍‌ରେ ଷ୍ଟାଡିୟମରେ ୧.୩୦ ଲକ୍ଷରୁ ଅଧିକ ଲୋକ ଉପସ୍ଥିତ ଥିବାରୁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ହେଲେ ଆରମ୍ଭରୁ ଏହି ସୁରକ୍ଷା ବ୍ୟବସ୍ଥାରେ ଢିଲା ଦେଖା ଦେଇଛି । ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ବିଶ୍ବକପ୍‌ ୨୦୨୩ ଫାଇନାଲ୍‌ ମ୍ୟାଚ୍‌ରେ ଦେଖିବାକୁ ମିଳିଛି ଏଭଳି କିଛି ଦୃଶ୍ୟ । ଭାରତ ପ୍ରଥମେ ବ୍ୟାଟିଂ କରୁଥିବାବେଳେ ଏଥିରେ କିଛି ସମୟ ବାଧା ଉପୁଜିଥିଲା । ଜଣେ ବ୍ୟକ୍ତି ହଠାତ୍‌ ପଡିଆ ଭିତରେ ପଶି ଯିବାରୁ ଖେଳରେ ବାଧା ସୃଷ୍ଟି ହୋଇଥିଲା । ଫଳରେ ଏହି ହାଇପ୍ରୋଫାଇଲ୍‌ ମ୍ୟାଚ୍‌ରେ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠିଛି ।

• #ICCCricketWorldCup | Security breach during the India versus Australia ICC World Cup 2023 Final match, in Ahmedabad after a spectator entered the field
  
  (Pics: ANI Photos) pic.twitter.com/AfilmF75sB

  — ANI (@ANI) November 19, 2023 " class="align-text-top noRightClick twitterSection" data="

  #ICCCricketWorldCup | Security breach during the India versus Australia ICC World Cup 2023 Final match, in Ahmedabad after a spectator entered the field
  
  (Pics: ANI Photos) pic.twitter.com/AfilmF75sB

  — ANI (@ANI) November 19, 2023

  ">

  #ICCCricketWorldCup | Security breach during the India versus Australia ICC World Cup 2023 Final match, in Ahmedabad after a spectator entered the field
  
  (Pics: ANI Photos) pic.twitter.com/AfilmF75sB

  — ANI (@ANI) November 19, 2023

ସବୁଠାରୁ ବଡ଼ କଥା ହେଲା ବ୍ୟକ୍ତି ଜଣକ ପିନ୍ଧିଥିବା ଟି-ସାର୍ଟ ଆଗରେ 'ଷ୍ଟପ୍ ବମିଂ ପାଲେଷ୍ଟାଇନ' ଏବଂ ପଛରେ 'ଫ୍ରି ପାଲେଷ୍ଟାଇନ' ଲେଖା ହୋଇଥିଲା । ସେ ପଡ଼ିଆ ଭିତରେ ପଶି ବ୍ୟାଟିଂ କରୁଥିବା ଭାରତୀୟ ଷ୍ଟାର୍‌ ବ୍ୟାଟର ବିରାଟ କୋହଲିଙ୍କୁ ଆଲିଙ୍ଗନ କରିବାକୁ ଉଦ୍ୟମ କରିଥିଲେ । ଫଳରେ ବିଶ୍ବକପ୍ ଫାଇନାଲ୍‌ ମ୍ୟାଚ୍‌ କିଛି ସମୟ ପାଇଁ ବାଧାପ୍ରାପ୍ତ ହୋଇଥିଲା । ୧୪ ତମ ଓଭରରେ ଏଭଳି ଘଟଣା ଘଟିଥିଲା । ତେବେ ଏତେ ସୁରକ୍ଷା ବ୍ୟବସ୍ଥା ସତ୍ତ୍ବେ କିପରି ଜଣେ ପ୍ରଶଂସକ ସୁରକ୍ଷା କର୍ଡନକୁ ଭାଙ୍ଗି ପଡ଼ିଆକୁ ଯିବାରେ ସଫଳ ହେଲେ, ସେନେଇ ପ୍ରଶ୍ନ ଉଠିଛି ।

ତେବେ ଏହି ହାଇ ଭୋଲ୍‌ଟେଜ୍‌ ମ୍ୟାଚ୍‌ରେ ଟସ୍‌ ଜିତି ପ୍ରଥମେ ଭାରତକୁ ବ୍ୟାଟିଂ ଆମନ୍ତ୍ରଣ କରିଥିଲେ ଅଷ୍ଟ୍ରେଲିଆ ଅଧିନାୟକ ପ୍ୟାଟ୍‌ କମିନ୍ସ । ଜବାବରେ ଭାରତୀୟ ଅଧିନାୟକ ରୋହିତ ଶର୍ମା ମଧ୍ୟ ଦଳକୁ ଆକ୍ରାମକ ଆରମ୍ଭ ଦେଇଥିଲେ । ହେଲେ ସେ ଅର୍ଦ୍ଧଶତକ କରିବା ପୂର୍ବରୁ ୪୭ ରନ କରି ମ୍ୟାକ୍ସୱେଲ୍‌ଙ୍କ ବଲରେ ଆଉଟ୍‌ ହୋଇଥିଲେ । ଅନ୍ୟପଟେ ଦଳର ଦୁଇ ଯୁବ ତାରକା ବ୍ୟାଟର ଶୁଭମନ ଗିଲ୍‌ ଓ ଶ୍ରେୟସ ଆୟର ବଡ଼ ମ୍ୟାଚ୍‌ର ଚାପ ସମ୍ଭାଳିବାରେ ବିଫଳ ହୋଇଥିଲେ । କେବଳ ୪ ରନ ଲେଖାଏଁ କରି ଉଭୟ ଆଉଟ୍‌ ହୋଇଥିଲେ । ରିପୋର୍ଟ ଲେଖାହେବା ବେଳକୁ ବିରାଟ କୋହଲି ଓ କେଏଲ୍‌ ରାହୁଲ ପରିସ୍ଥିତି ସମ୍ଭାଳି ବ୍ୟାଟିଂ ଜାରି ରଖିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ