Cricket World Cup 2023: ମ୍ୟାକ୍ସୱେଲ୍‌ଙ୍କ ପ୍ରଶଂସାରେ ଶତମୁଖ କମିନ୍ସ, କହିଲେ ଷ୍ଟ୍ରୋକ ଲଗାଇବାରେ ଗ୍ଲେନ ନିର୍ଭିକ

ଆଫଗାନିସ୍ତାନ ବିପକ୍ଷରେ ମ୍ୟାକ୍ସୱେଲ୍‌ଙ୍କ ଐତିହାସିକ ପାଳି ପରେ ମ୍ୟାକ୍ସୱେଲ୍‌ଙ୍କ ପ୍ରଶଂସାରେ ଶତମୁଖ ହେଲେ ଦଳର ଅଧିନାୟକ ପ୍ୟାଟ୍‌ କମିନ୍ସ । କହିଲେ ମୈଦାନର ବିଭିନ୍ନ ଦିଗରେ ବଡ଼ ସଟ୍‌ ଖେଳିବାରେ ମ୍ୟାକ୍ସୱେଲ୍‌ ନିର୍ଭିକ ଓ ଆଶ୍ଚର୍ଯ୍ୟଜନକ। ଅଧିକ ପଢ଼ନ୍ତୁ

ମୁମ୍ବାଇ: ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ମଙ୍ଗଳବାର ଦର୍ଶକ ଦେଖିଲେ ଅବିଶ୍ବସନୀୟ କ୍ରିକେଟ୍‌ ମ୍ୟାଚ୍‌ । ଆଫଗାନିସ୍ତାନ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ଏହି ମ୍ୟାଚ୍‌ରେ ଅଷ୍ଟ୍ରେଲୀୟ ଷ୍ଟାର ଅଲରାଉଣ୍ଡର ଗ୍ଲେନ୍‌ ମ୍ୟାକ୍ସୱେଲ୍‌ଙ୍କ ଅବିଶ୍ବସନୀୟ ଦ୍ବିଶତକୀୟ ପାଳି ବଳରେ ଏହି ମ୍ୟାଚ୍‌ ଅଷ୍ଟ୍ରେଲିଆ ୩ ୱିକେଟ୍‌ରେ ଜିତିଥିଲା । ତେବେ ମ୍ୟାକ୍ସୱେଲ୍‌ଙ୍କ ଏହି ଅବିଶ୍ବସନୀୟ ପାଳି ପରେ ତାଙ୍କ ପ୍ରଶଂସାରେ ଶତମୁଖ ହୋଇଛନ୍ତି ଦଳର ଅଧିନାୟକ ପ୍ୟାଟ୍‌ କମିନ୍ସ । ମୈଦାନର ବିଭିନ୍ନ ଦିଗରେ ବଡ଼ ସଟ୍‌ ଖେଳିବାରେ ମ୍ୟାକ୍ସୱେଲ୍‌ ନିର୍ଭିକ ଓ ଆଶ୍ଚର୍ଯ୍ୟଜନକ ଖେଳାଳି ବୋଲି କମିନ୍ସ କହିଛନ୍ତି ।

• Pat Cummins fell short of words to describe Glenn Maxwell's innings 😅
  
  What's the one word you will use to describe Maxwell's 201* in #AUSvAFG? Tell us 👇#CWC23 #WorldCup2023 #AUSvsAFG pic.twitter.com/Pb84RZGSAS

  — Cricbuzz (@cricbuzz) November 8, 2023 " class="align-text-top noRightClick twitterSection" data="

  Pat Cummins fell short of words to describe Glenn Maxwell's innings 😅
  
  What's the one word you will use to describe Maxwell's 201* in #AUSvAFG? Tell us 👇#CWC23 #WorldCup2023 #AUSvsAFG pic.twitter.com/Pb84RZGSAS

  — Cricbuzz (@cricbuzz) November 8, 2023

  ">

  Pat Cummins fell short of words to describe Glenn Maxwell's innings 😅
  
  What's the one word you will use to describe Maxwell's 201* in #AUSvAFG? Tell us 👇#CWC23 #WorldCup2023 #AUSvsAFG pic.twitter.com/Pb84RZGSAS

  — Cricbuzz (@cricbuzz) November 8, 2023

ଏହି ମ୍ୟାଚ୍‌ରେ ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ଇବ୍ରାହିମ ଜଦ୍ରାନଙ୍କ ଶତକୀୟ ପାଳି ବଳରେ ୨୯୧ ରନର ଲଢ଼ୁଆ ସ୍କୋର କରିଥିଲା । ଜବାବରେ ଅଷ୍ଟ୍ରେଲିଆ ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ୨୯୨ ଟାର୍ଗେଟ୍‌ ନେଇ ଖେଳୁଥିବା ଅଷ୍ଟ୍ରେଲିଆ ଏକଦା ୯୧ ରନରେ ୭ଟି ୱିକେଟ୍‌ ହରାଇ ପରାଜୟ ଦ୍ବାରରେ ପହଞ୍ଚି ସାରିଥିଲା । ହେଲେ ଏହିଠାରୁ ଆରମ୍ଭ ହୋଇଥିଲା ଗ୍ଲେନ୍‌ ମ୍ୟାକ୍ସୱେଲ୍‌ ଶୋ' । ଗୋଟିଏ ପଟେ କେବଳ ନିଜ ୱିକେଟ୍‌ ବଞ୍ଚାଇ ଅଧିନାୟକ ପ୍ୟାଟ୍‌ କମିନ୍ସ ଛିଡ଼ା ହୋଇଥିବା ବେଳେ ଅନ୍ୟପଟେ ମ୍ୟାକ୍ସୱେଲ୍‌ ଆକ୍ରମଣ କରିଥିଲେ । ଆଫଗାନୀ ବୋଲରଙ୍କୁ ନିର୍ଦ୍ଧୁମ ପ୍ରହାର କରି ମ୍ୟାଚ୍‌ ଛଡ଼ାଇ ଆଣିଥିଲେ । ୨୯୨ ରନ ଆବଶ୍ୟକ କରୁଥିବା ଅଷ୍ଟ୍ରେଲିଆ ପାଇଂ ମ୍ୟାକ୍ସୱେଲ୍‌ ଏକାକୀ ୨୦୧ ରନ କରି ଦଳକୁ ମ୍ୟାଚ୍‌ ଜିତାଇବା ସହ ସେମିଫାଇନାଲ୍‌ରେ ପ୍ରବେଶ କରାଇଥିଲେ ।

• " class="align-text-top noRightClick twitterSection" data="">

ମ୍ୟାକ୍ସୱେଲ୍‌ଙ୍କ ଏହି ଐତିହାସିକ ପାଳିର ପ୍ରଶଂସା କରି ମ୍ୟାଚ୍‌ ପରବର୍ତ୍ତୀ ପ୍ରେସ୍‌ମିଟ୍‌ରେ ଦଳର ଅଧିନାୟକ ପ୍ୟାଟ୍‌ କମିନ୍ସ କହିଛନ୍ତି, "ସେ (ମ୍ୟାକ୍ସୱେଲ୍‌) ଗୋଟିଏ ଜାଗାରୁ ଘୁଞ୍ଚି ପାରୁନଥିଲେ, ହେଲେ ସେ ଥାର୍ଡ ମ୍ୟାନ୍‌ରେ ରିଭର୍ସ ଛକା ମାରିବାରେ ସଫଳ ହୋଇଥିଲେ । ସେ ଜଣେ ନିର୍ଭିକ, ସେ ବିଭିନ୍ନ କ୍ଷେତ୍ରକୁ ହିଟ୍ କରନ୍ତି ଏବଂ ସେ ଏହି ସବୁ ସଟ୍‌ ଗୁଡ଼ିକୁ ଅତି ସରଳ ଭାବେ ଖେଳିପାରନ୍ତି । ଏପରି ଖେଳାଳିଙ୍କ ବିପକ୍ଷରେ ବୋଲିଂ କରିବା ସମୟରେ ବୋଲରଙ୍କ ପାଖରେ ଅଧିକ ବିକଳ୍ପ ନଥାଏ । ମୁଁ ଭାବୁଛି ଏହା ହେଉଛି ସର୍ବଶ୍ରେଷ୍ଠ ଦିନିକିଆ ଇନିଂସ । ଆମେ ସମସ୍ତେ କେବଳ ଏହି ପାଳି ବିଷୟରେ କଥା ହେଉଛେ । ହଁ, ମୁଁ ନିଶ୍ଚିତ ଯେ ସେ ଶୀଘ୍ର ସୁସ୍ଥ ହୋଇଯିବେ । ସେ ପ୍ରବଳ କଷ୍ଟ ଅନୁଭବ କରୁଥିଲେ । ମୁଁ ଭାବୁଛି ଆପଣ ସେଠାରେ ଦେଖିଥିବେ ଯେ ସେ ଅଷ୍ଟ୍ରେଲିଆ ପାଇଁ ଖେଳିବାକୁ କିତେ ଭଲ ପାଆନ୍ତି । ତେଣୁ ମୁଁ ଭାବିଲି ଯେ ସେ ଖେଳିବାଟା ହିଁ ଭଲ ହେବ ।

ସେ ଆହୁରି କହିଛନ୍ତି, "ଯେତେବେଳେ ମୁଁ ବ୍ୟାଟିଂ କରିବାକୁ ଗଲି, ଆମେ ଭାବୁଥିଲୁ ଆଫଗାନିସ୍ତାନର ସ୍ପିନର ଆମ ପାଇଁ ସବୁଠୁ ବଡ଼ ସମସ୍ୟା ହେବେ । ବଲ୍ ତଥାପି ଟିକେ ଟର୍ଣ୍ଣ କରୁଥିଲା ଏବଂ ସେମାନେ ପ୍ରକୃତରେ ଭଲ ବୋଲିଂ କରୁଥିଲେ । ମୋ ପାଇଁ ସେଠାରେ ବ୍ୟାଟିଂ କରିବା ସହଜ ନଥିଲା । କିନ୍ତୁ ମ୍ୟାକ୍ସୱେଲ୍‌ ଅତି ସହଜରେ ରନ୍ ସ୍କୋର କରୁଥିଲେ । ମ୍ୟାକ୍ସି କ୍ରିଜରେ ଥିବାବେଳେ, ରନ୍ ହାର ଏକ ସମସ୍ୟା ହେବ ବୋଲି ମନେ ହେଉନଥିଲା । ତେଣୁ ମୋ ପାଇଁ କେବଳ ନିଜ ୱିକେଟ୍‌ ବଞ୍ଚାଇ ରହିବା କାର୍ଯ୍ୟ ଥିଲା ।"

ବ୍ୟୁରୋ ରିପୋର୍ଟ, ଇଟିଭି ଭାରତ