ନୂଆଦିଲ୍ଲୀ: ଟିମ ଇଣ୍ଡିଆର ମୁଖ୍ୟ ଚୟନକର୍ତ୍ତା ଏମଏସକେ ପ୍ରସାଦ ଏକ ବଡ ବୟାନ ଦେଇଛନ୍ତି । ବିଶ୍ବକପ ଦଳରେ ମଧ୍ୟକ୍ରମ ବ୍ୟାଟ୍ସମ୍ୟାନ ଚୟନ ବିବାଦରେ ପ୍ରତିକ୍ରୟା ରଖିଛନ୍ତି । ବିଶ୍ବକପ ବେଳେ ଅମ୍ବାତି ରାୟୁଡୁ କ୍ରିକେଟରୁ ଅବସର ଘୋଷଣା କରିଥିଲେ ।
ତେବେ ଅବସର ପୂର୍ବରୁ ରାୟୁଡୁ ଚୟନକର୍ତ୍ତାଙ୍କ ଉଦ୍ଦେଶ୍ୟରେ ଏକ ଟ୍ବିଟ କରିଥିଲେ । ରାୟୁଡୁ କହିଥିଲେ 3ଡି ଚଷମା ପିନ୍ଧି ବିଶ୍ବକପ ଦେଖିବା ସମୟ ଆସିଛି । ବିଜୟ ଶଙ୍କର ଆହତ ହୋଇ ବାଦ ପଡିବା ପରେ, ମୟଙ୍କ ଅଗ୍ରୱାଲଙ୍କୁ ବିଶ୍ବକପ ଦଳରେ ସାମିଲ କରାଯାଇଥିଲା । ରାୟୁଡୁ ଏହି ନିଷ୍ପତ୍ତି ପରେ କ୍ରିକେଟରୁ ଅବସର ଘୋଷଣା କରିଥିଲେ ।
ତେବେ ରାୟୁଡୁଙ୍କ ଆକ୍ଷେପକୁ ମୁଖ୍ୟ ଚୟନକର୍ତ୍ତା ଏମଏସକେ ପ୍ରସାଦ ଗ୍ରହଣ କରିଛନ୍ତି । ଚୟନକର୍ତ୍ତା ଖେଳାଳିଙ୍କୁ ନେଇ ପକ୍ଷପାତିତା କରନ୍ତି ନାହିଁ ବୋଲି ସ୍ପଷ୍ଟ କରିଛନ୍ତି ପ୍ରସାଦ । ବିଶ୍ବକପ ଦଳରେ ଆବଶ୍ୟକତା ଅନୁଯାୟୀ ଦଳ ଚୟନ କରାଯାଇଥିଲା ବୋଲି ମୁଖ୍ୟ ଚୟନକର୍ତ୍ତା କହିଛନ୍ତି ।
