ଲିଡସ: ଶେଷ ମ୍ୟାଚରେ ବିଜୟୀ ହୋଇଛି ୱେଷ୍ଟଇଣ୍ଡିଜ । ଆଫଗାନିସ୍ତାନକୁ 23 ରନରେ ହରାଇଛି ହୋଲ୍ଡର ଆଣ୍ଡ କୋ । 312 ରନର ଟାର୍ଗେଟକୁ ପିଛା କରୁଥିବା ଆଫଗାନ ଦଳ 288 ରନରେ ଅଲଆଉଟ ହୋଇଯାଇଛି । ଦଳ ପକ୍ଷରୁ ସର୍ବାଧିକ 86 ରନର ପାଳି ଖେଳିଥିଲେ ଇକ୍ରାମ ଅଲ୍ଲି ଖିଲ । 93 ବଲରୁ 8ଚୌକା ସହ 86 ରନ କରି ଆଉଟ ହୋଇଥିଲେ ଇକ୍ରାମ । ରହମତ ଶାହା ଆଉ ଏକ 62 ରନର ଅର୍ଧଶତକୀୟ ପାଳି ଖେଳିଥିଲେ । ଅସଘର ଆଫଗାନ 32 ବଲରୁ ଦ୍ରୁତ 40 ରନ କରିଥିଲେ । ଶେଷ ଭାଗରେ ସିରଜାଦ 17 ବଲରୁ 25 ରନ କରି ଲଢେଇ କରିଥିଲେ । ମାତ୍ର ଏହି ପାଳି ଆଫଗାନିସ୍ତାନ ବିଜୟ ପାଇଁ ଯଥେଷ୍ଟ ନଥିଲା ।
ଇଣ୍ଡିଜ ପକ୍ଷରୁ କାରଲୋସ ବ୍ରାଥୱେଟ ସର୍ବାଧିକ 4 ଟି ୱିକେଟ ନେଇଥିଲେ । କେମାର ରୋଚ 3ଟି, ଗେଲ ଓ ଥୋମାସ ଗୋଟିଏ ଲେଖାଏଁ ୱିକେଟ ନେଇଥିଲେ ।
ପୂର୍ବରୁ ପ୍ରଥମେ ବ୍ୟାଟିଂ କରି ୱେଷ୍ଟଇଣ୍ଡିଜ ଆଫଗାନ ସାମ୍ନାରେ 311ରନର ଲକ୍ଷ୍ୟ ରଖିଥିଲା । ଦଳର ପକ୍ଷରୁ ସାଇ ହୋପ 6ଚୌକା ଓ 2ଛକା ସହାୟତାରେ ସର୍ବାଧିକ 77 ରନର ପାଳି ଖେଳିଥିଲେ । ଇଭିନ ଲୁଇସ 6ଚୌକା ଓ 2ଛକା ସହାୟତାରେ 58ରନର ଅର୍ଧଶତକୀୟ ପାଳି ଖେଳିଥିଲେ । ନିକୋଲାସ ପୂରଣ ପୁଣି ଏକ ଦମଦାର ଇନିଂସ ଖେଳିଥିଲେ । 43 ବଲରେ 6ଚୌକା ଓ 1ଛକା ସହାୟତାରେ ଦ୍ରୁତ 58ରନର ପାଳି ଖେଳିଥିଲେ । ଶେଷଭାଗରେ କ୍ୟାପଟେନ ଜେସନ ହୋଲ୍ଡର 34 45, ହେଟମେୟର 39 କରିଥିଲେ । ତେବେ ଭେଟେରାନ କ୍ରିସ ଗେଲ ପୁଣି ନିରାଶ କରି ମାତ୍ର 7ରନକରି ଆଉଟ ହୋଇଥିଲେ । ସାଇ ହୋପ ମ୍ୟାନ ଅଫ ଦି ମ୍ୟାଚ ହୋଇଥିଲେ ।
ଆଫଗାନିସ୍ତାନ ପକ୍ଷରୁ ଦୌଲାତ ଜର୍ଡାନ 2ଟି ୱିକେଟ ଅକ୍ତିଆର କରିଥିଲେ । ରସିଦ ଖାନ, ମହମ୍ମଦ ନବି, ସାଏଦ ସିରଜାଦ ଗୋଟିଏ ଲେଖାଏଁ ୱିକେଟ ନେବାରେ ସକ୍ଷମ ହୋଇଥିଲେ ।
