ଲଡସ: ବିଶ୍ବକପ ଲଢେଇରେ ଆଜି ୱେଷ୍ଟଇଣ୍ଡିଜ-ଆଫଗାନ ମଧ୍ୟରେ ମ୍ୟାଚ ଖେଳାଯାଉଛି । ପ୍ରଥମେ ବ୍ୟାଟିଂ କରି ୱେଷ୍ଟଇଣ୍ଡିଜ 311ରନ କରିଛି । ଦଳର ପକ୍ଷରୁ ସାଇ ହୋପ ସର୍ବାଧିକ 77 ରନର ପାଳି ଖେଳିଛନ୍ତି । ହୋପଙ୍କ ଏହି ପାଳିରେ 6ଟି ଚୌକା ଓ 2ଛକା ରହିଛି । ଇଭିନ ଲୁଇସ 6 ଚୌକା ଓ 2ଛକା ସହାୟତାରେ 58 ରନର ଅର୍ଧଶତକୀୟ ପାଳି ଖେଳିଛନ୍ତି ।
ନିକୋଲାସ ପୂରଣ ପୁଣି ଏକ ଦମଦାର ଇନିଂସ ଖେଳିଛନ୍ତି । 43 ବଲରେ 6ଚୌକା ଓ 1ଛକା ସହାୟତାରେ ଦ୍ରୁତ 58ରନର ପeଳି ଖେଳିଛନ୍ତି । ଶେଷଭାଗରେ କ୍ୟାପଟେନ ଜେସନ ହୋଲ୍ଡର 34 ବଲରେ 4ଟି ଛକା ଓ 1ଚୌକା ସହାୟତାରେ 45 ରନ କରିଛନ୍ତି । ହେଟମେୟର 39, ବ୍ରାଥୱେଟ 14 ରନ କରିଛନ୍ତି । ତେବେ ଭେଟେରାନ କ୍ରିସ ଗେଲ ପୁଣି ନିରାଶ କରିଛନ୍ତି ।
ଆଫଗାନିସ୍ତାନ ପକ୍ଷରୁ ଦୌଲାତ ଜର୍ଡାନ 2ଟି ୱିକେଟ ଅକ୍ତିଆର କରିଛନ୍ତି । ରସିଦ ଖାନ, ମହମ୍ମଦ ନବି, ସାଏଦ ସିରଜାଦ ଗୋଟିଏ ଲେଖାଏଁ ୱିକେଟ ନେଇଛନ୍ତି ।
