ଲଣ୍ଡନ: ଆଇସିସି ବିଶ୍ବକପ 2019 ଆଜିଠୁ ଆରମ୍ଭ ହେଉଛି । ପ୍ରଥମ ମ୍ୟାଚରେ ଘରୋଇ ଇଂଲଣ୍ଡ ଦକ୍ଷିଣ ଆଫ୍ରିକାକୁ ଭେଟିବ । ତେବେ ଦୁଇ ଦଳ ଏଯାଏଁ ବିଶ୍ବକପ ଜତି ନାହାଁନ୍ତି । ବିଶ୍ବକପ ଇଂଲଣ୍ଡରେ ଖେଳାଯାଉଥିବାରୁ ଇଂଲଣ୍ଡକୁ ବଡ ଦାବିଦାର ବୋଲି କୁହାଯାଉଛି ।
ତେବେ ଇଂଲଣ୍ଡର ପୂର୍ବତନ ଖେଳାଳି କେଭିନ ପିଟରସନ କହିଛନ୍ତି, 2019 ବିଶ୍ବକପ ଇଂଲଣ୍ଡ ପାଇଁ କର ବା ମର ସଦୃଶ । ତେଣୁ 2019 ବିଶ୍ବକପ ଚମ୍ପିଆନ ହେବା ଇଂଲଣ୍ଡ ପାଇଁ ଏକ ବଡ ସୁଯୋଗ ବୋଲି ସେ କହିଛନ୍ତି । ତେବେ କ୍ରିକେଟର ଜନ୍ମଦାତା କୁହାଯାଉଥିବା ଇଂଲଣ୍ଡ ଥରେ ହେଲେ ବି ବିଶ୍ବକପ ଜିତିବାର ସୌଭାଗ୍ୟ ପାଇନାହିଁ ।
ଏଥର ବିଶ୍ବକପ ଖେଳୁଥିବା ଇଂଲଣ୍ଡ ଦଳ ବେଶ ଶକ୍ତିଶାଳୀ । ବ୍ୟାଟିଂ, ବୋଲିଂ ଓ ଫିଲ୍ଡିଂ ସବୁଥିରେ ଦମଦାର ପ୍ରଦର୍ଶନ କରୁଛି ଦଳ । ସବୁଠୁ ଗୁରୁତ୍ତ୍ବପୂର୍ଣ୍ଣ କଥା ହେଲା ଗତ 2ବର୍ଷ ହେଲା ଇଂଲଣ୍ଡ ସର୍ବାଧିକ ଥର 300ରୁ ଅଧିକ ରନ ସ୍କୋର କରିଛି । ଏମିତିକି ସହଜରେ 400ରୁ ଅଧିକ ସ୍କୋର ମଧ୍ୟ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
