ଲଣ୍ଡନ: ୱେଷ୍ଟଇଣ୍ଡିଜର ଇଂଲଣ୍ଡ ଗସ୍ତ ନେଇ କ୍ୟାପଟେନ ଜେସନ ହୋଲ୍ଡରଙ୍କ ବଡ ବୟାନ । ହୋଲ୍ଡର କହିଛନ୍ତି ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ, ଖେଳାଳିଙ୍କୁ ବାଧ୍ୟ କରାଯିବ ନାହିଁ ।
କୋରୋନା ଭାଇରସ ସଂକ୍ରମଣର ଭୟ ଥିବାରୁ ଏହି ଗସ୍ତ ଚ୍ୟାଲେଞ୍ଜପୂର୍ଣ୍ଣ ରହିଛି । ଜୁନ 4ରୁ ଇଂଲଣ୍ଡରେ ଆସି ୱେଷ୍ଟ ଇଣ୍ଡିଜ 3 ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବା ନେଇ ସୂଚୀ ରହିଛି ।
ତେବେ ଏହି ଗସ୍ତରେ ସମସ୍ତ ସୁରକ୍ଷିତ ବ୍ୟବସ୍ଥା କରାଯାଇଥିବା ଇଂଲଣ୍ଡ ଓ ୱେଲ୍ସ କ୍ରିକେଟ ବୋର୍ଡ (ECB)ପକ୍ଷରୁ ସ୍ପଷ୍ଟ କରାଯାଇଛି । ଗତ ସପ୍ତାହରେ ଇସିବି ନିର୍ଦ୍ଦେଶକ ଆସଲେ ଗିଲସ ଏନେଇ ସୂଚନା ଦେଇଥିଲେ । ୱେଷ୍ଟଇଣ୍ଡିଜ ଓ ପାକିସ୍ତାନ ଟିମର ୟୁକେ ଗସ୍ତ ସମୟରେ ସୁରକ୍ଷା ଦିଗ ପ୍ରତି ବିଶେଷ ଧ୍ୟାନ ଦିଆଯାଇଥିବା ସେ କହିଥିଲେ ।
