ହାଇଦ୍ରାବାଦ: ଆଜି ବିଶ୍ବ ମହିଳା ଦିବସ ଅବସରରେ ଅନୁଷ୍ଠିତ ହେବାକୁ ଯାଉଛି ଆଇସିସି ମହିଳା ଟି-20 ବିଶ୍ବକପର ଫାଇନାଲ ଫାଇଟ । ପ୍ରଥମ ଫାଇନାଲିଷ୍ଟ ଭାରତୀୟ ମହିଳା ଦଳର ସାମ୍ନା 7ଥରର ଚମ୍ପିଆନ ଅଷ୍ଟ୍ରେଲିଆ ସହ ହେବ । ତେବେ ମ୍ୟାଚ ପୂର୍ବରୁ ଭାରତୀୟ ମହିଳା ଦଳ ପାଇଁ ବିଭିନ୍ନ ମହଲରୁ ‘ଇଟିଭି ଭାରତ’ ଯୋଗେ ଶୁଭେଚ୍ଛାର ସୁଅ ଛୁଟିଛି ।
ତେବେ ଭାରତୀୟ ଦଳର ଚାଇନାମ୍ୟାନ ସ୍ପିନର କୁଲଦୀପ ଯାଦବ, ରେସଲର ସୁଶୀଲ କୁମାର, ଭାରତୀୟ ଦଳର ଅନ୍ୟତମ ସ୍ପିନର ଅମିତ୍ ମିଶ୍ରା ପ୍ରମୁଖ ‘ଇଟିଭି ଭାରତ’ ଯୋଗେ ଭାରତୀୟ ମହିଳା ଦଳକୁ ଶୁଭେଚ୍ଛା ଜଣାଇଛନ୍ତି । ସେହିପରି ଜାତୀୟ ବ୍ୟାଡମିଣ୍ଟନ କୋଚ୍ ପୁଲେଲା ଗୋପୀଚାନ୍ଦ ମଧ୍ୟ ଭାରତୀୟ ମହିଳା ଦଳକୁ ଶୁଭେଚ୍ଛା ଜଣାଇଛନ୍ତି । ତେବେ ମ୍ୟାଚ ପୂର୍ବରୁ ରବିବାର(ଆଜି) ଭାରତୀୟ ମହିଳା ଦଳକୁ ଟ୍ବିଟ କରି ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେହିପରି ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିସିସିଆଇ ସଭାପତି ସୌରଭ ଗାଙ୍ଗୁଲି ଟ୍ବିଟ କରି ଭାରତୀୟ ମହିଳା ଦଳକୁ ଶୁଭେଚ୍ଛା ଜଣାଇଥିଲେ ।
ସୂଚନାଯୋଗ୍ୟ ଯେ, ବିଶ୍ବକପ ଫାଇନାଲରେ ପ୍ରଥମଥର ପ୍ରବେଶ କରିଥିବା ଭାରତୀୟ ଦଳ ପ୍ରଥମ ବିଶ୍ବକପ ଟ୍ରଫି ଲକ୍ଷ୍ୟରେ ପଡିଆକୁ ଓହ୍ଲାଇବ । ସେପଟେ ଆଜି ଦଳର ଅଧିନାୟିକା ହରମନପ୍ରୀତ କୌରଙ୍କ ଜନ୍ମଦିନ ହୋଇଥିବାରୁ ସେ ନିଜର ଜନ୍ମଦିନ ଉପହାର ରୂପେ ନିଜକୁ ବିଶ୍ବକପ ଟ୍ରଫି ଭେଟି ଦେବାକୁ ଲକ୍ଷ୍ୟ ରଖିଥିବା କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
