ମହିଳା ଚ୍ୟାଲେଞ୍ଜର ଟ୍ରଫି: ସୁଶ୍ରୀଙ୍କ ଶାଣିତ ବୋଲିଂ, ଇଣ୍ଡିଆ-ବି' ର ଦ୍ୱିତୀୟ ବିଜୟ

ମହିଳା ଚ୍ୟାଲେଞ୍ଜର ଟ୍ରଫିର ଆଜିର ମ୍ୟାଚରେ ଇଣ୍ଡିଆ-ଏକୁ 35 ରନରେ ହରାଇ କ୍ରମାଗତ ଦ୍ୱିତୀୟ ବିଜୟ ହାସଲ କରିଛି ଇଣ୍ଡିଆ-ବି । ଅଧିକ ପଢନ୍ତୁ...

କଟକ: ବାରବାଟୀରେ ଖେଳାଯାଉଥିବା ମହିଳା ଚ୍ୟାଲେଞ୍ଜର ଟ୍ରଫିରେ ଇଣ୍ଡିଆ-ବି ର କ୍ରମାଗତ ଦ୍ୱିତୀୟ ବିଜୟ। ବାରବାଟୀରେ ପୁଣି ଓଡିଆ ଝିଅ ସୁଶ୍ରୀ ପ୍ରଭାବି ପ୍ରଦର୍ଶନ କରିଛନ୍ତି । ଫଳରେ ଇଣ୍ଡିଆ-ଏ କୁ 35 ରନରେ ପରାସ୍ତ କରିଛି ଇଣ୍ଡିଆ-ବି।

ଟସ ଜିତି ବ୍ୟାଟିଂ ନିଷ୍ପତ୍ତି ନେଇଥିବା ଇଣ୍ଡିଆ-ବି ନିର୍ଧାରିତ 20 ଓଭରରେ 4 ୱିକେଟ ହରାଇ 139 ରନ ସଂଗ୍ରହ କରିଥିଲା। ଦଳ ପକ୍ଷରୁ ଅଧିନାୟକ ସ୍ମୃତି ମାନ୍ଧାନା ସର୍ବାଧିକ 34 ରନ କରିଥିଲା ବେଳେ ବନିତା 30 ରନ କରିଥିଲେ। ଫଳରେ ଏକ ସମ୍ମାନ ଜନକ ସ୍କୋରରେ ପହଞ୍ଚିଥିଲା ଇଣ୍ଡିଆ-ବି ।

ଇଣ୍ଡିଆ-ବି' ର ଦ୍ୱିତୀୟ ବିଜୟ

139 ରନର ବିଜୟ ଲକ୍ଷ୍ୟକୁ ପିଛା କରିଥିଲା ଇଣ୍ଡିଆ-ଏ। 20 ଓଭରରେ 7 ୱିକେଟ ହରାଇ ମାତ୍ର 104 ରନ ସଂଗ୍ରହ କରିପାରିଥିଲା ଇଣ୍ଡିଆ-ଏ । ଦଳ ପକ୍ଷରୁ ପ୍ରିୟା ପୁନିଆ ସର୍ବାଧିକ 34 ରନ କରିଥିଲେ। ଦୀପ୍ତି ଶର୍ମା 33 ରନର ଇଂନିସ ଖେଳିଥିଲେ ମଧ୍ୟ ବିଜୟ ପାଇଁ ଯଥେଷ୍ଟ ହୋଇନଥିଲା।ଭାରତ ବି ପକ୍ଷରୁ ଓଡ଼ିଆ ଝିଅ ସୁଶ୍ରୀ ପୁଣି ବୋଲିଂରେ କମାଲ ଦେଖାଇଛନ୍ତି । 4 ଓଭରରେ 18 ରନ ବ୍ୟୟ କରି 2 ୱିକେଟ ଅକ୍ତିଆର କରିଥିଲେ ସୁଶ୍ରୀ । ଏଥିସହିତ ଅନୁଜା ପାଟିଲ ମଧ୍ୟ 2ଟି ୱିକେଟ ଅକ୍ତିଆର କରି ବିଜୟରେ ପ୍ରମୁଖ ଭୁମିକା ନିଭାଇଥିଲେ ।