ହାଇଦ୍ରାବାଦ: ଭାରତୀୟ ଅନୁଭବୀ ଅଫ୍ ସ୍ପିନର ଆର ଅଶ୍ବିନ ଏକ ବଡ ଖୁଲାସା କରିଛନ୍ତି । ଭାରତୀୟ ଖେଳାଳିଙ୍କ ସହ ସିଡନୀରେ ହୋଇଛି ଭେଦଭାବ । ଏହି ଟେଷ୍ଟ ସମୟରେ ଅଷ୍ଟ୍ରେଲିଆ ଖେଳାଳିଙ୍କ ସହ ଲିଫ୍ଟରେ ଯିବାକୁ ଅନୁମତି ମିଳୁନଥିଲା ।
ଫିଲ୍ଡିଙ୍ଗ କୋଚ ଆର ଶ୍ରୀଧରଙ୍କ ସହ ୟୁଟ୍ୟୁବରେ କଥା ହେବା ସମୟରେ ଆର ଅଶ୍ବିନ କହିଛନ୍ତି ଯେ, ଆମେ ସିଡନୀ ପହଞ୍ଚିଲୁ । ସେଠାରେ ଆମ ଉପରେ ଅନେକ କଟକଣା ଲାଗିଥିଲା । ସିଡନୀରେ ଏକ ଅଜବ ଘଟଣା ଘଟିଥିଲା । ସତ କହିବି ବହୁତ ଅଜବ ଥିଲା । ଉଭୟ ଭାରତ- ଅଷ୍ଟ୍ରେଲିଆର ଟିମ୍ ବାୟୋ ବବଲ ସୁରକ୍ଷା ବଳ ମଧ୍ୟରେ ରହିଥିଲେ । କିନ୍ତୁ ଅଷ୍ଟ୍ରେଲିଆ ଖେଳାଳି ଲିଫ୍ଟରେ ଥିଲେ , ଭାରତୀୟ ଖେଳାଳିଙ୍କୁ ଲିଫ୍ଟ ଭିତରକୁ ଯିବାକୁ ଅନୁମତି ମିଳୁ ନଥିଲା । ଆମକୁ ବହୁତ ଖରାପ ଲାଗିଥିଲା । ଗୋଟିଏ ବବଲରେ ଥିଲୁ କିନ୍ତୁ ଗୋଟିଏ ଲିଫ୍ଟରେ ଯିବାକୁ ଅନୁମତି ନଥିଲା ।
