କୋଲକତା: ରୋମାଞ୍ଚଚକ ମୋଡରେ ପହଁଚି ସାରିଛି ବିଶ୍ବର ସୁବୁଠାରୁ ଧନୀ କ୍ରିକେଟ ଲିଗ । ବୁଧବାର ଆଇପିଏଲର ଷଷ୍ଠ ମ୍ୟାଚ ଖେଳାଯିବ । ମୁଁହାମୁହିଁ ହେବେକିଙ୍ଗ୍ସ ଏକାଦଶ ପଞ୍ଜାବ ବନାମ କୋଲକତା ନାଇଟ ରାଇଡର୍ସ । କେକେଆର ହୋମ ଗ୍ରାଉଣ୍ଡ ଇଡେନ ଗାର୍ଡେନରେ ଖେଳାଯିବ ଆଜିର ମ୍ୟାଚ ।ଏହି ଦୁଇ ଟିମ କେକେଆର ଓ ପଞ୍ଜାବ ନିଜ ନିଜର ପ୍ରଥମ ମ୍ୟାଚ ଜିତି ଆତ୍ମବିଶ୍ବାସରେ ଭରପୁର ରହିଛନ୍ତ ।
ତେବେ କେକେଆର ନିଜର ପ୍ରଥମ ମ୍ୟାଚରେ ହାଇଦ୍ରାବାଦକୁ ଖୁବ ଧୋଇ ଥିବାବେଳେ ପଞ୍ଜାବ ମଧ୍ୟ ନିଜ ପ୍ରଥମ ମ୍ୟାଚରେ ରାଜସ୍ଥାନର ରଙ୍ଗ ବଦଳାଇ ଦେଇଥିଲା । ନିଜର ପରାଜୟ ରେକର୍ଡରେ ବ୍ରେକ ଲାଗଇ ପିଙ୍କ ସିଟିରେ ନାଲି ଝଣ୍ଡା ଉଡାଇଥିଲା ପଞ୍ଜାବ । ମାତ୍ର କେକେଆରକୁ ତାର ହୋମ ଗ୍ରାଉଣ୍ଡରେ ହରାଇବା ପଞ୍ଜାବ ପାଇଁ ଆଜି ନିଶ୍ଚୟ କାଠିକର ପାଠ ହେବ । କାରଣ ରେକର୍ଡ ଏମିତି କିଛି କହୁଛି ।
ଆଇପିଏଲର 11ଟି ସିଜନରେ ଦୁଇ ଟିମ ମଧ୍ୟରେ ଖେଳାଯାଇଛି 23ଟି ମ୍ୟାଚ । ଯେଉଁଥିରୁ କେକେଆର 15ଟି ମ୍ୟାଚରେ ବାଜି ମାରିଥିବା ବେଳେ ପାଞ୍ଜାବ ହାତରେ ଲାଗିଛି ମାତ୍ର 8ଟି ମ୍ୟାଚ । ତେଣୁ ଆଜି ମ୍ୟାଚ ଅଶ୍ବିନୀ ବ୍ରିଗେଡଙ୍କପାଇଁ କଡା ମୁକାବିଲା ହେବ ।
ତେବେ ନଜର ପକାନ୍ତୁ ଦଳର ଟପ 5 ପ୍ଲେୟାରଙ୍କ ଉପରେ । କେକେଆର ପାଖରେ ଅଛନ୍ତି ସୁନିଲ ନାରାୟଣ, ଆନ୍ଦ୍ରେରସଲେ, କୁଳଦୀପ ଯାଦବ, ଦିନେଶ କାର୍ତ୍ତିକ, ସୁଭମ ଗିଲଙ୍କ ଭଳିଯୁବ ବ୍ୟାଟ୍ସମ୍ୟାନ ଯାହାଙ୍କୁ ନେଇ ଶକ୍ତିଶାଳୀକେକେଆର ଟିମ । ସେହିପରି ଯଦି ନଜର ପକାଇବା ପାଞ୍ଜାବର ଟପ 5 ଖେଳାଳିଙ୍କଉପରେ, ତେବେ ପ୍ରଥମ ନା ଆସିବ କ୍ରିସ ଗେଲଙ୍କର। ସେହିପରି କେଏଲ ରାହୁଲ ଅଛନ୍ତି, ସାମ କୁରଣ, ରବିଚନ୍ଦ୍ରନ ଅଶ୍ବିନୀ, ମୁଜବି ରେହମାନ ବି ଦଳରେ ସାମିଲ ଅଛନ୍ତି ।
ତେବେ ଖାଲି ଅପେକ୍ଷା ଇଡେନ ଗାର୍ଡେନର ସନ୍ଧ୍ୟା 8ଟା ଲଢେଇକୁ ।
ବ୍ୟୁରୋ ଇନପୁଟ, ଇଟିଭି ଭାରତ
