ନୂଆଦିଲ୍ଲୀ: ଟିମ ଇଣ୍ଡିଆର ବର୍ତ୍ତମାନର କ୍ୟାପଟେନ ବିରାଟ କୋହଲିଙ୍କୁ ନେଇ ବଡ ବୟାନ । ପୂର୍ବତନ ଷ୍ଟାର ପେସ ବୋଲର ଜାହିର ଖାନ କୋହଲିଙ୍କୁ ଗାଙ୍ଗୁଲିଙ୍କ ସହ ତୁଳନା କରିଛନ୍ତି । ଜାହିର କହିଛନ୍ତି ଗାଙ୍ଗୁଲିଙ୍କ ପରି କଠୋର ନିଷ୍ପତ୍ତି ନେବାରେ କୋହଲି ମାହିର ।
ଭାରତୀୟ କ୍ରିକେଟ ଦଳ କୋହଲିଙ୍କ ଅଧିନାୟକତ୍ବରେ ଟେଷ୍ଟ କ୍ରିକେଟରେ ଆଇସିସି ମାନ୍ୟତାର ନଂ1 ଦଳ ହୋଇପାରିଛି । କ୍ରିକେଟର ଲମ୍ବା ଫର୍ମାଟରେ ଭାରତୀୟ ବୋଲିଂ ଆଟାକ ସବୁଠୁ ଶକ୍ତିଶାଳୀ ହୋଇଛି । ବିଶ୍ବ ଟେଷ୍ଟ ଚମ୍ପିଆନସିପ ଅନ୍ତର୍ଗତ ଭାରତ ଖେଳିବାକୁ ଥିବା ଘରୋଇ ଟେଷ୍ଟରେ ଅଧିକ ଆକ୍ରମଣାତ୍ମକ ଖେଳିବ ।
ବୁମରା, ସାମୀ, ଇଶାନ୍ତ ଓ ଭୁବନେଶ୍ବର ସମସ୍ତେ କୋହଲିଙ୍କ ଅଧିନାୟକତ୍ବରେ ଅଧିକ ପ୍ରଭାବୀ ବୋଲିଂ ପ୍ରଦର୍ଶନ କରିଛନ୍ତି । କୋହଲି ଦାଦାଙ୍କ ପରି ମନଖୋଲି କୁହନ୍ତି । ଦଳର ହିତ ପାଇଁ କଠିନ ନିଷ୍ପତ୍ତି ମଧ୍ୟ ନିଅନ୍ତି । ଏଥିସହିତ ଦଳର କଠିନ ସମୟରେ ନିଜେ ସାମ୍ନାକୁ ଆସନ୍ତି । ବ୍ୟାଟିଂରେ ଦାଦା ଓ କୋହଲି ମଧ୍ୟ ଦଳ ପାଇଁ ସମାନ ଲକ୍ଷ୍ୟରେ ଖେଳନ୍ତି । ଲମ୍ବା ଓ ପ୍ରଭାବି ସଟ ଦ୍ବାରା ପ୍ରତିପକ୍ଷ ବୋଲରଙ୍କ ଉପରେ ଚାପ ପକାନ୍ତି । ଏଥିସହିତ ଫିଲ୍ଡିଂବେଳେ ଆକ୍ରମଣାତ୍ମକ ରଣନୀତି ଆପଣାନ୍ତି ବୋଲି କହିଛନ୍ତି ଜାହିର ଖାନ । ତେବେ କୋହଲିଙ୍କୁ ସେ ଭାରତ ପାଇଁ ବିଶ୍ବକପ ଟ୍ରଫି ଉଠାଇବାର ଦେଖିବାକୁ ଚାହାଁନ୍ତି କହିଛନ୍ତି ।
