ହାଇଦ୍ରାବାଦ: ଶ୍ରୀଲଙ୍କାରେ ଖେଳାଯାଉଥିବା 19 ବର୍ଷରୁ କମ ଏସିଆ କପରେ ପାକିସ୍ତାନକୁ ହରାଇଛି ଭାରତ । ପ୍ରଥମେ ବ୍ୟାଟିଂ କରି ଭାରତ 50 ଓଭରରେ 305 ରନ କରିଥିଲା । ଜବାବରେ ପାକିସ୍ତାନ 245 ରନରେ ଅଲଆଉଟ ହୋଇଯାଇଛି । ଫଳରେ 60 ରନରେ ଭାରତ ପାକିସ୍ତାନକୁ ପରାସ୍ତ କରିଛି ।
ଭାରତ ପକ୍ଷରୁ ବ୍ୟାଟିଂରେ ହିରୋ ରହିଥିଲେ ଅର୍ଜୁନ ଆଜାଦ ଓ ତିଲକ ବର୍ମା । ଓପନର ଅର୍ଜୁନ 111 ବଲରେ ଧୁଆଁଧାର 121 ରନର ପାଳି ଖେଳିଥିଲେ । ନଂ3 ବ୍ୟାଟ୍ସମ୍ୟାନ ତିଲକ 119 ବଲରେ 110 ରନର ଆକର୍ଷଣୀୟ ପାଳି ଖେଳିଥିଲେ । ବୋଲିଂରେ ଅଥର୍ଭ ଆଙ୍କୋଲେକର 3ଟି ୱିକେଟ ଅକ୍ତିଆର କରିଥିଲେ ।
ପାକିସ୍ତାନ ପକ୍ଷରୁ କ୍ୟାପଟେନ ରୋହଲ ଖାନ 108 ବଲରେ 117 ରନର ପାଳି ଖେଳିଥିଲେ । ହାରିସ ଖାନ 43ରନର ସାଥ ଦେଇଥିଲେ । ଉଭୟଙ୍କ ମଧ୍ୟରେ 120ର ପାର୍ଟନର ସିପ ହୋଇଥିଲା । ତେବେ ଏହି ଯୋଡି ଭାଙ୍ଗିବା ପରେ ପାକିସ୍ତାନ ଭାରତୀୟ ବୋଲରଙ୍କ ପାଖରେ ଆତ୍ମସମର୍ପଣ କରିଥିଲା ।
