ନୂଆଦିଲ୍ଲୀ: ଭାରତୀୟ କ୍ରିକେଟ ଇତିହାସରେ ଆଜି ଏକ ସ୍ମରଣୀୟ ଦିନ। ପାରମ୍ପରିକ ପ୍ରତିନ୍ଦ୍ବନ୍ଦୀ ପାକିସ୍ତାନକୁ ଏକାକି ଅଲଆଉଟ କରିଥିଲେ ଜଣେ ଭାରତୀୟ ବୋଲର । ସେ ହେଉଛନ୍ତି ବିଶ୍ବ କ୍ରିକେଟର ଅନ୍ୟତମ ଶ୍ରେଷ୍ଠ ବୋଲର ଅନିଲ କୁମ୍ବଲେ ।
ଭାରତୀୟ କ୍ରିକେଟରେ ସେ କ୍ରିକେଟର, କ୍ୟାପଟେନ, କୋଚ ଭଳି ଏକାଧିକ ଭୂମିକା ନିଭାଇଛନ୍ତି । ସମସ୍ତ ଦାୟିତ୍ବକୁ ସଫଳତାର ସହ ନିର୍ବାହ କରିଛନ୍ତି ସେ।
ବର୍ଷ 1999 ଫେବୃୟାରୀ ମାସରେ ପାକିସ୍ତାନ ଟିମ ଭାରତ ଗସ୍ତରେ ଆସି 2 ଟିକିଆ ଟେଷ୍ଟ ମ୍ୟାଚ ଖେଳିଥିଲା । ତେବେ ଚେନ୍ନାଇରେ ଖେଳାଯାଇଥିବା ପ୍ରଥମ ଟେଷ୍ଟରେ ଭାରତ ପରାଜିତ ହୋଇ ଚାପରେ ରହିଥିଲା । 2ୟ ଟେଷ୍ଟ ଦିଲ୍ଲୀର ଫିରୋଜ ଶାହା କୋଟଲା ଷ୍ଟାଡିୟମ ବର୍ତ୍ତମାନର (ଅରୁଣ ଜେଟଲି ଷ୍ଟାଡିୟମ)ରେ ଖେଳାଯାଇଥିଲା । ଭାରତ ପ୍ରଥମେ ବ୍ୟାଟିଂ କରି 252 ରନ କରିଥିଲା । ଜବାବରେ ପାକିସ୍ତାନ ପ୍ରଥମ ଇଂନିସରେ ମାତ୍ର 172 ରନରେ ଅଲଆଉଟ ହୋଇଥିଲା । 2ୟ ଇଂନିସରେ ଭାରତ ପକ୍ଷରୁ ଏସ ରମେଶ 96 ଓ ସୌରଭ ଗାଙ୍ଗୁଲି ଅପରାଜିତ 62 ରନର ଇଂନିସ ଖେଳିଥିଲେ । ଫଳରେ ପାକିସ୍ତାନ ସାମ୍ନାରେ 420 ରନର ଟାର୍ଗେଟ ରଖିଥିଲା ଭାରତ ।
-
#OnThisDay Anil Kumble became only second bowler to take all 10 wickets in a test innings@anilkumble1074 @BCCI pic.twitter.com/IMg179cvty
— Viratian (@kohli_addicted) February 7, 2020 " class="align-text-top noRightClick twitterSection" data="
">#OnThisDay Anil Kumble became only second bowler to take all 10 wickets in a test innings@anilkumble1074 @BCCI pic.twitter.com/IMg179cvty
— Viratian (@kohli_addicted) February 7, 2020#OnThisDay Anil Kumble became only second bowler to take all 10 wickets in a test innings@anilkumble1074 @BCCI pic.twitter.com/IMg179cvty
— Viratian (@kohli_addicted) February 7, 2020
ଏହାପରେ କୁମ୍ବଲେ ବୋଲିଂ ଭାର ସମ୍ଭାଳିବା ପୂର୍ବରୁ ପାକିସ୍ତାନ ବ୍ୟାଟ୍ସମ୍ୟାନ ସାହିଦ ଆଫ୍ରିଦି ଓ ସଇଦ ଅନୱାର 101ରନର ଶତକୀୟ ପାର୍ଟନରସିପ କରିଥିଲେ। ତେବେ କୁମ୍ବଲେ 41 ରନରେ ବ୍ୟାଟିଂ କରୁଥିବା ଆଫ୍ରିଦିଙ୍କୁ ପ୍ରଥମ ଶୀକାର କରିଥିଲେ । ପରବର୍ତ୍ତୀ 5ଟି ୱିକେଟ ହାସଲ କରି ପାକିସ୍ତାନର ସ୍କୋର 128/ 6 କରିଥିଲେ । ଏହାପରେ ନିଜର 27 ତମ ଓଭରରେ ୱାସିମ ଆକ୍ରମଙ୍କୁ ଆଉଟ କରି 10 ୱିକେଟ ପୂରଣ ସହ ଇତିହାସ ରଚିଥିଲେ । 26.3 ଓଭର ବୋଲିଂ କରି 74 ରନ ବ୍ୟୟରେ 10 ୱିକେଟ ହାସଲ କରିଥିଲେ କୁମ୍ବଲେ । ଏହାପରେ ବିଶ୍ବକ୍ରିକେଟରେ ଗୋଟିଏ ଇଂନିସରେ 10 ୱିକେଟ ହାସଲ କରିବାରେ, ଇଂଲଣ୍ଡର ଜିମ ଲାକରଙ୍କ ପରେ 2ୟ ବୋଲର ହୋଇଥିଲେ ।
