ଟିମ ଇଣ୍ଡିଆର ନୂଆ ଜର୍ସି, ଓପ୍ପୋ ଆଉଟ ବାଇଜୁ ଇନ୍‌

ରବିବାର ଖେଳାଯିବ ଦକ୍ଷିଣ ଆଫ୍ରିକା ବିପକ୍ଷ ଘରୋଇ ସିରିଜର ପ୍ରଥମ ଟି-20 ମ୍ୟାଚ । ତେବେ ଏହି ମ୍ୟାଚରେ ଭାରତୀୟ ଦଳର ଜର୍ସିରେ ଲାଗିବ ନୂଆ ସ୍ପନସର ।

ଧର୍ମଶାଳା: ରବିବାର ଖେଳାଯିବ ଦକ୍ଷିଣ ଆଫ୍ରିକା ବିପକ୍ଷ ଘରୋଇ ସିରିଜର ପ୍ରଥମ ଟି-20 ମ୍ୟାଚ । ତେବେ ଏହି ମ୍ୟାଚରେ ଭାରତୀୟ ଦଳର ଜର୍ସିରେ ଲାଗିବ ନୂଆ ସ୍ପନସର । ପୂର୍ବତନ ସ୍ପନସର ଓପ୍ପୋର ଚୁକ୍ତି ଶେଷ ହୋଇଛି । ଆଉ ରବିବାରଠାରୁ ବାଇଜୁ ଦଳର ନୂଆ ସ୍ପନସର ଭାବେ ଜର୍ସିରେ ରହିବ ।

ତେବେ ମ୍ୟାଚ ପୂର୍ବରୁ ଶନିବାର ନୂଆ ଜର୍ସି ଉନ୍ମୋଚନ ହୋଇଛି । ନୂଆ ଜର୍ସି ସହ ଅଭ୍ୟାସ ମଧ୍ୟ କରିଛି ଭାରତୀୟ ଦଳ । ଭାରତୀୟ ସମୟ ସଂଧ୍ୟା 7ଟାରେ ଖେଳାଯିବ ପ୍ରଥମ ଟି-20 ମ୍ୟାଚ । ତେବେ ଅଧିନାୟକ, ତାଙ୍କ ଡେପ୍ୟୁଟି ଓ 2-3 ଜଣ ସିନିୟର ଖେଳାଳିଙ୍କୁ ଛାଡି ଦେଲେ ଦଳର ଅନ୍ୟ ସମସ୍ତେ ୟଙ୍ଗଷ୍ଟାର ରହିଛନ୍ତି ।