ମୁମ୍ବାଇ: ସୌରଭ ଗାଙ୍ଗୁଲି ଅଧ୍ୟକ୍ଷ ଦାୟିତ୍ବ ନେବା ପରେ ଧୋନିଙ୍କୁ ନେଇଁ ମିଡିଆ ପ୍ରଶ୍ନ ପ୍ରଚାରିଥିଲା । ଦାଦା, ମାହିଙ୍କର ବେଶ୍ ପ୍ରଶଂସା କରିଛନ୍ତି ।
ଧୋନିଙ୍କୁ ନେଇ ଦାଦା କହିଛନ୍ତି ଯେ, ତାଙ୍କ ଉପରେ ନିର୍ଭର କରେ ସେ କ'ଣ ଚାହାଁନ୍ତି । ମୋର ବି ସମୟ ଆସିଥିଲା ଯେତେବେଳେ ମୁଁ ଏକୁଟିଆ ପଡି ଯାଇଥିଲି । ସମସ୍ତଙ୍କୁ ଲାଗୁଥିଲା ମୁଁ ଆଉ ଖେଳକୁ ଫେରିବାର ନାହିଁ ।
କିନ୍ତୁ ମୁଁ ଫେରିଲି ଆହୁରି 4ବର୍ଷ କ୍ରିକେଟ ଖେଳିଲି । ଚମ୍ପିଆନଙ୍କ ଅନ୍ତ ଏତେ ଶୀଘ୍ର ହୁଏ ନାହିଁ । ମତେ ଜଣା ନାହିଁ ତାଙ୍କ ମନରେ କ'ଣ ଅଛି ଓ ସେ ନିଜର କ୍ୟାରିଅରକୁ ନେଇ କ'ଣ ଭାବିଛନ୍ତି । ଧୋନି କ୍ରିକେଟ ର ମହାନ ଖେଳାଳିମାନଙ୍କ ମଧ୍ୟରୁ ଅନ୍ୟତମ । ଭାରତୀୟ କ୍ରିକେଟ ତାଙ୍କୁ ନେଇ ଗର୍ବିତ ।
