ହାଇଦ୍ରାବାଦ: କୋରୋନା ଭାଇରସର ମୁକାବିଲା ପାଇଁ ସବୁ ଦେଶ ପ୍ରୟାସ ଜାରିରଖିଛନ୍ତି । ତେବେ ପାଣ୍ଠି ଯୋଗାଡ ପାଇଁ ଭାରତ ପାକିସ୍ତାନ ମଧ୍ୟରେ କ୍ରିକେଟ ମ୍ୟାଚର ଆୟୋଜନ ହେଉ ବୋଲି କହିଛନ୍ତି ପାକିସ୍ତାନ କ୍ରିକେଟର ସୋଏବ ଅଖତର । ଏକ ଭିଡିଓ ବାର୍ତ୍ତାରେ ଅଖତର କହିଛନ୍ତି, ଭାରତ-ପାକିସ୍ତାନ ମଧ୍ୟରେ ବିନା ଦର୍ଶକରେ 3 ମ୍ୟାଚ ବିଶିଷ୍ଠ ଦିନିକିଆ କିମ୍ବା ଟି-20 ସିରିଜ ଖେଳାଯାଉ । ଟେଲିଭିଜନରେ ଏହାର ପ୍ରସାରଣ କରାଯାଉ ।
ମହାମାରୀ କରୋନା ଭାଇରସଡରେ ସମଗ୍ର ବିଶ୍ବ ପ୍ରଭାବିତ ହୋଇଛି । ଅନେକ ଦେଶ ଲକଡାଉନ ସ୍ଥିତିରେ ରହିଛି । ଏହାର ପ୍ରଭାବ ସାଧାରଣ ଜୀବନ ଜୀବିକା ଓ ଦେଶର ଅର୍ଥନୀତି ଉପରେ ପଡିଛି ।
ଲକଡାଉନ ସ୍ଥିତିର ମୁକାବିଲା ପାଇଁ ବିଭିନ୍ନ ଦେଶର ସରକାର ଆର୍ଥିକ ପ୍ୟାକେଟ ଘୋଷଣା କରି ଜରୁରୀସେବା ଜାରି ରଖିଛନ୍ତି । ତେବେ ବିପର୍ଯ୍ୟସ୍ତ ଅର୍ଥନୀତିର ଦେଶ ପାକିସ୍ତାନ ଭଳି ଦେଶ ଏହି ଭାଇରସରେ ବିଶେଷ ପ୍ରଭାବିତ ହୋଇଛି ।
