ହାଇଦ୍ରାବାଦ: ବଲିଉଡ ମେଗା ଷ୍ଟାର ଅମିତାଭ ବଚ୍ଚନ କୋଭି-19 ପଜିଟିଭ ହେବା ପରେ ତାଙ୍କ ଆଶୁ ଆରୋଗ୍ୟ କାମନା କରୁଛି ସାରା ଦେଶ । କେବଳ ଦେଶ କାହିଁକି ବିଦେଶରୁ ମଧ୍ୟ ବି ବିଙ୍କ ପାଇଁ ଆସୁଛି ପ୍ରାର୍ଥନା । ଅମିତାଭଙ୍କ ସହ ପୁଅ ଅଭିଷେକ, ବହୂ ଐଶ୍ବର୍ଯ୍ୟା, ଓ ନାତୁଣୀ ଆରାଧ୍ୟା ମଧ୍ୟ କୋଭିଡ଼-19ରେ ଆକ୍ରାନ୍ତ ହୋଇଛନ୍ତି । ତେବେ ଅମିତାଭଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି ପାକିସ୍ତାନର ଦୂଇ ପୂର୍ବତନ କ୍ରିକେଟର ଶୋଏବ ଅଖତର ଓ ଶାହିଦ ଆଫ୍ରିଦି ।
ଅମିତାଭ ଓ ଅଭିଷେକ ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ଐଶ୍ବର୍ଯ୍ୟା ଓ ଆରାଧ୍ୟା ହୋମ କ୍ବାରେଣ୍ଟାଇନରେ ରହିଛନ୍ତି । ଭାରତର ସମସ୍ତ ସେଲିବ୍ରିଟି ତାଙ୍କ ଆରୋଗ୍ୟ ପାଇଁ କାମନା କରିଛନ୍ତି ।
କ୍ରିକେଟ ଜଗତରୁ ସମସ୍ତ ଭାରତୀୟ କ୍ରିକେଟର ବଚ୍ଚନ ପରିବାରକୁ ଶୀଘ୍ର ଆରୋଗ୍ୟ ପାଇଁ ଶୁଭେଚ୍ଛା ଦେଇଛନ୍ତି । ବଚ୍ଚନ ପରିବାରର ଫ୍ୟାନ୍ସ କେବଳ ଭାରତରେ ନୁହେଁ ସୀମା ବାହାରେ ମଧ୍ୟ ଅନେକ ରହିଛନ୍ତି । ପାକିସ୍ତାନରେ ମଧ୍ୟ ଅଛନ୍ତି ଅମିତାଭଙ୍କ ଫ୍ୟାନ୍ସ । ତେବେ ପୂର୍ବତନ ପାକିସ୍ତାନ କ୍ରିକେଟର ଶାହିଦ ଆଫ୍ରିଦି ଯିଏ ନିଜେ କୋଭିଡ-19ରେ ଆକ୍ରାନ୍ତ ହୋଇଛନ୍ତି ଓ ପୂର୍ବତନ ସ୍ପିଡଷ୍ଟର ଶୋଏବ ଅଖତର ଟ୍ବିଟ କରି ବଲିଉଡ ଅଭିନେତାଙ୍କୁ ଶୀଘ୍ର ସୁସ୍ଥ ହେବା ପାଇଁ ଶୁଭେଚ୍ଛା ଦେଇଛନ୍ତି ।
‘‘ଅମିତାଭ ବଚ୍ଚନ ଓ ଅଭିଷେକ ବଚ୍ଚନଙ୍କ ପାଇଁ କାମନା କରୁଛି । ଆଶା କରୁଛି ଆପଣ ଶୀଘ୍ର ସୁସ୍ଥ ହୋଇଯିବେ,’’ ବୋଲି ଆଫ୍ରିଦି ଟ୍ବିଟ କରିଛନ୍ତି ।
-
Best wishes for @SrBachchan and @juniorbachchan . Hope you recover well and soon.
— Shahid Afridi (@SAfridiOfficial) July 12, 2020 " class="align-text-top noRightClick twitterSection" data="
">Best wishes for @SrBachchan and @juniorbachchan . Hope you recover well and soon.
— Shahid Afridi (@SAfridiOfficial) July 12, 2020Best wishes for @SrBachchan and @juniorbachchan . Hope you recover well and soon.
— Shahid Afridi (@SAfridiOfficial) July 12, 2020
‘‘ଶୀଘ୍ର ସୁସ୍ଥ ହୁଅନ୍ତୁ ଅମିତ ଜୀ, ଶୀଘ୍ର ଆରୋଗ୍ୟ ପାଇଁ କାମନା କରୁଛି,’’ ବୋଲି ଟ୍ବିଟ କରିଛନ୍ତି ଅଖତର ।
-
Get well soon Amit Ji @SrBachchan Prayers for a speedy recovery. https://t.co/s2VIq1SRh5
— Shoaib Akhtar (@shoaib100mph) July 11, 2020 " class="align-text-top noRightClick twitterSection" data="
">Get well soon Amit Ji @SrBachchan Prayers for a speedy recovery. https://t.co/s2VIq1SRh5
— Shoaib Akhtar (@shoaib100mph) July 11, 2020Get well soon Amit Ji @SrBachchan Prayers for a speedy recovery. https://t.co/s2VIq1SRh5
— Shoaib Akhtar (@shoaib100mph) July 11, 2020
କୋଭିଡ-19ରେ ଆକ୍ରାନ୍ତ ହେବା ପରେ ଉଭୟ ଅମିତାଭ ଓ ଅଭିଷେକ ଟ୍ବିଟ କରି ଫ୍ୟାନ୍ସଙ୍କୁ ଏହି ଖବର ଦେଇଥିଲେ । ଉଭୟ ନାନାବତୀ ହସ୍ପିଟାଲର ଆଇସୋଲେସନ ୱାର୍ଡରେ ଚିକିତ୍ସିତ ହେଉଛନ୍ତି ।
ହସ୍ପିଟାଲର ଏକ ସୂତ୍ର ଅନୁସାରେ, ‘‘ସେମାନେ ବର୍ତ୍ତମାନ ୱାର୍ଡରେ ଅଛନ୍ତି, ଉଭୟଙ୍କ ଅବସ୍ଥା ସ୍ଥିର ରହିଛି । ସେମାନଙ୍କୁ ବର୍ତ୍ତମାନ କୌଣସି ଆଗ୍ରେସିଭ ଚିକିତ୍ସା ଦିଆଯାଉ ନାହିଁ । ପ୍ରାଥମିକ ଚିକିତ୍ସାରେ ସେମାନେ ଠିକ ଅଛନ୍ତି । ସପୋର୍ଟିଭ ଥେରାପି ସେମାନଙ୍କୁ ଦିଆଯାଉଛି ।’’
