ନୂଆଦିଲ୍ଲୀ: ଆଉନାହାନ୍ତି ଭେଟେରାନ ବଲିଉଡ ଅଭିନେତା ଋଷି କାପୁର । ଏହି ଖବରରେ ବଳିଉଡରେ ଶୋକ ଖେଳିଯାଇଛି । ଦେଶର କଳାପ୍ରେମୀ, କଳାକାର ଜଗତ, ରାଜନେତା ଓ କ୍ରୀଡାଜଗତ ଅଶ୍ରୁଳ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ସଚିନ ତେନ୍ଦୁଲକର, ହରଭଜନ ସିଂହ ମିତାଲି ରାଜ ସମେତ ଅନେକଜଣ ଟ୍ବିଟ ଯୋଗେଁ ଶୋକ ପ୍ରକାଶ କରିଛନ୍ତି । ଭେଟେରାନ ଋଷି କାପୁରଙ୍କ ଉଦ୍ଦେଶ୍ୟରେ ସଚିନ ଏକ ଆବେଗପୂର୍ଣ୍ଣ ଟ୍ବିଟ କରିଛନ୍ତି । ପିଲାଦିନକୁ ରିଷିଙ୍କ ଫିଲ୍ମ ଦେଖିବଡ ହେଇଛି ବୋଲି ସଚିନ କହିଛନ୍ତି । ଇଶ୍ବର ତାଙ୍କ ଆତ୍ମାକୁ ଶାନ୍ତି ପ୍ରଦାନ କରିବା ସହ କାପୁର ପରିବାରକୁ ଧୈର୍ଯ୍ୟ ଦିଅନ୍ତୁ ବୋଲି କହିଛନ୍ତି ।
ସେହିପରି ପୂର୍ବତନ ଭାରତୀୟ ମହିଳା କ୍ରିକେଟର ମିତାଲି ରାଜ ମଧ୍ୟ ଦୁଃଖ ପ୍ରକାଶ କରିବା ସହ ଆତ୍ମାର ସଦଗତି କାମନା କରିଛନ୍ତି ।
