କେପଟାଉନ: ଦକ୍ଷିଣ ଆଫ୍ରିକା ଓ ଇଂଲଣ୍ଡ ମଧ୍ୟରେ ଖେଳାଯିବାକୁ ଥିବା ଦିନିକିଆ କ୍ରିକେଟରେ ସିରିଜରେ କୋରୋନା କଣ୍ଟା । ଘରୋଇ ଦଳର ଜଣେ ଖେଳାଳି କୋଭିଡ-19 ପଜିଟିଭ ଚିହ୍ନଟ ହେବାପରେ ପ୍ରଥମ ଦିନିକିଆ ମ୍ୟାଚ ସ୍ଥଗିତ ହୋଇଛି ।
ଶୁକ୍ରବାର ନ୍ୟୁଲ୍ୟାଣ୍ଡରେ ପ୍ରଥମ ଦିନିକିଆ ଖେଳାଯିବା ନେଇ ସୂଚୀ ରହିଥିଲା । ପୂର୍ବରୁ 3 ମ୍ୟାଚ ବିଶିଷ୍ଟ ଟି-20 ସିରିଜର ତୃତୀୟ ମ୍ୟାଚକୁ 9 ୱିକେଟରେ ଜିତିବା ସହ କ୍ଳିନ ସୁଇପ କରିଛି ଇଂଲଣ୍ଡ ।
ଦିନିକିଆ ସିରିଜ ନେଇ ଦକ୍ଷିଣ ଆଫ୍ରିକା କ୍ରିକେଟ ବୋର୍ଡ(CSA) ଏକ ବିବୃତି ଜାରି କରିଛି । ରବିବାର ଏୟୁରୋଲକ୍ସ ବୋଲାଣ୍ଡ ପାର୍କ, ପାର୍ଲରେ ପ୍ରଥମ ଦିନିକିଆ ଖେଳାଯିବ ବୋଲି ଘୋଷଣା କରିଛି ବୋର୍ଡ । ଦ୍ବିତୀୟ ଓ ତୃତୀୟ ଦିନିକିଆ ଯଥାକ୍ରମେ ଡିସେମ୍ବର 6 ଓ 7ରେ ନ୍ୟୁଲ୍ୟାଣ୍ଡ ଓ କେପଟାଉନରେ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
