ନୂଆଦିଲ୍ଲୀ: ନ୍ୟୁଜିଲାଣ୍ଡ ଗସ୍ତରେ ଟିମ ଇଣ୍ଡିଆ । ନ୍ୟୁଜିଲାଣ୍ଡ ବିପକ୍ଷରେ ପ୍ରଥମ 5 ମ୍ୟାଚ ବିଶିଷ୍ଟ ଟି-20 ସିରିଜ ଖେଳିବ ବିରାଟ ବାହିନୀ । ପରେ 3 ମ୍ୟାଚ ବିଶିଷ୍ଟ ଦିନିକିଆ ସିରିଜ ଓ 2ଟି ଟେଷ୍ଟ ଖେଳିବ । ଜାନୁଆରୀ 24ରେ ପ୍ରଥମ ମ୍ୟାଚ ଇଡେନ ପାର୍କ, ଅକଲାଣ୍ଡରେ ଖେଳାଯିବ ।
ଏନେଇ ନ୍ୟୁଜିଲାଣ୍ଡ ଅଭିମୁଖେ ଯାତ୍ରା କରିଛି ଭାରତୀୟ ଦଳ । ନ୍ୟୁଜିଲାଣ୍ଡ ଯାତ୍ରା ବେଳର ଏକ ଫଟୋ ନିଜ ସୋସିଆଲ ମିଡିଆ ପେଜରେ ସେୟାର କରିଛନ୍ତି ହିଟମ୍ୟାନ ରୋହିତ ଶର୍ମା । ଏହି ଫଟୋରେ ରୋହିତଙ୍କ ସହ ୟୁଜଭେନ୍ଦ୍ର ଚହଲ, ଋଷଭ ପନ୍ତ, ମହମ୍ମଦ ସାମି ଓ କୁଲଦୀପ ଯାଦବ ନଜର ଆସିଛନ୍ତି । ଏଥିସହିତ ରୋହିତ ଲେଖିଛନ୍ତି ନ୍ୟୁଜିଲାଣ୍ଡ ପାଇଁ ପ୍ରସ୍ତୁତ ।
