କଟକ: ରଣଜୀ କ୍ବାର୍ଟର ଫାଇନାଲରେ ପହଞ୍ଚିଲା ଓଡିଶା । ବାରବାଟୀରେ ଖେଳାଯାଇଥିବା ଝାଡଖଣ୍ଡ ବିପକ୍ଷ ମ୍ୟାଚ ଡ୍ର ରଖି ରଣଜୀ କ୍ବାର୍ଟର ଫାଇନାଲରେ ପ୍ରବେଶ କରିଛି ଓଡିଶା ।
କ୍ରମାଗତ 5ଟି ବିଜୟ ଏବଂ 2ଟି ପରାଜୟ ପରେ ଓଡିଶାର କ୍ବାର୍ଟର ଫାଇନାଲ ଆଶା ଆଶଙ୍କାରେ ରହିଥିଲା । ମାତ୍ର ଘରୋଇ ବରବାଟୀ ଗ୍ରାଉଣ୍ଡରେ ଝାଡଖଣ୍ଡ ବିପକ୍ଷ ମ୍ୟାଚରେ ଦମଦାର ପ୍ରଦର୍ଶନ କରିଛି ଟିମ ଓଡିଶା। ମ୍ୟାଚ ଅମୀମାଂସିତ ଭାବେ ଶେଷ ହୋଇଥିବାବେଳେ କ୍ବାର୍ଟର ଟିକେଟ ହାତେଇଛି ଘରୋଇ ଦଳ ।
ଓଡିଶା ପ୍ରଥମେ ବ୍ୟାଟିଂ କରି ପ୍ରଥମ ଇଂନିସରେ 436 ରନର ବିଶାଳ ସ୍କୋର କରିଥିଲା । ଦଳ ପକ୍ଷରୁ ଭେଟେରାନ ଦେବାଶିଷ ସାମନ୍ତରାୟ 156 ଓ ଅଭିଜ୍ଞ ବିପ୍ଳବ ସାମନ୍ତରାୟ 74 ରନର ଇଂନିସ ଖେଳିଥିଲେ । ଓପନର ଅନୁରାଗ ଷଡଙ୍ଗୀ ମଧ୍ୟ 64 ରନର ଅର୍ଦ୍ଧଶତକୀୟ ଇଂନିସ ଖେଳିଥିଲେ । ପରେ ଝାଡଖଣ୍ଡ ପ୍ରଥମ ଇଂନିସରେ 356 ରନରେ ଅଲଆଉଟ ହୋଇଥିଲା ।
2ୟ ଇଂନିସରେ ଓଡିଶା 187/1 ସହ ପାଳି ଘୋଷଣା କରିଥିଲା । 2ଇଂନିସରେ କ୍ୟାପଟେନ ଶୁଭ୍ରାଂଶୁ ସେନାପତି ଅପରାଜିତ ଶତକ ଓ ବିପ୍ଳବ ସାମନ୍ତରାୟ 64 ରନରେ ଅପରାଜିତ ରହିଥିଲେ । ଫଳରେ ମ୍ୟାଚ ଡ୍ରରେ ଶେଷ ହୋଇଥିଲା ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
