ସୌରାଷ୍ଟ୍ରକୁ ପ୍ରଥମ ରଣଜୀ ଟ୍ରଫି

ରଣଜୀ ଫାଇନାଲର 5ମ ଦିନରେ ପ୍ରଥମ ଇନିଂସରେ 44ରନ ଅଗ୍ରଣୀ ଆଧାରରେ ବିଜୟୀ ହୋଇଛି ଘରୋଇ ସୌରାଷ୍ଟ୍ର । ଶେଷ ଦିନରେ ବିପକ୍ଷ ବେଙ୍ଗଲ ଦଳ 381 ରନରେ ଅଲଆଉଟ ହେବା ପରେ ମ୍ୟାଚ ଡ୍ର ରହିଥିଲା । ଅଧିକ ପଢନ୍ତୁ...

ରାଜକୋଟ: ଜୟଦେବ ଉନଦାକଟଙ୍କ ନେତୃତ୍ବାଧୀନ ସୌରାଷ୍ଟ୍ର ଶୁକ୍ରବାର ତାର ପ୍ରଥମ ରଣଜୀ ଟାଇଟଲ ଜିତିଛି । ରଣଜୀ ଫାଇନାଲର 5ମ ଦିନରେ ପ୍ରଥମ ଇନିଂସରେ 44ରନ ଅଗ୍ରଣୀ ଆଧାରରେ ବିଜୟୀ ହୋଇଛି ଘରୋଇ ସୌରାଷ୍ଟ୍ର । ଶେଷ ଦିନରେ ବିପକ୍ଷ ବେଙ୍ଗଲ ଦଳ ଅଲଆଉଟ ହେବା ପରେ ମ୍ୟାଚ ଡ୍ର ରହିଥିଲା । ମାତ୍ର ନିଜର ପ୍ରଥମ ଇଂନିସ ଅଗ୍ରଣୀ ଆଧାରରେ ସୌରାଷ୍ଟ୍ର ବିଜୟୀ ହୋଇଛି ।

ରଣଜୀ ଫାଇନାଲ ସ୍କୋର

ଟସ ଜିତି ପ୍ରଥମେ ବ୍ୟାଟିଂ କରିଥିବା ଘରୋଇ ଦଳ ତାର ପ୍ରଥମ ଇଂନିସରେ 425ରନ କରିଥିଲା । ଯାହାର ଜବାବରେ ଭ୍ରମଣକାରୀ ବେଙ୍ଗଲ ଟିମ୍‌ 5ମ ଦିନରେ 381 ରନରେ ତାର ସମସ୍ତ ୱିକେଟ ହାରାଇଥିଲା । ବାକି ଦିନର ଖେଳରେ 105ରନ କରି 4 ୱିକେଟ ହରାଇଥିଲା ସୌରାଷ୍ଟ୍ର । ତେବେ ଶେଷ ଦିନରେ 70 ଓଭର ବାକି ଥିବା ବେଳେ ଉଭୟ ଦଳର ଅଧିନାୟକଙ୍କ ନିଷ୍ପତ୍ତି କ୍ରମେ ମ୍ୟାଚକୁ ଡ୍ର କରାଯାଇଥିଲା । ଫଳରେ ରଣଜୀ ଟ୍ରଫିର ନିୟମ ଅନୁସାରେ ପ୍ରଥମ ଇନିଂସ ଅଗ୍ରଣୀ ଆଧାରରେ ଘରୋଇ ସୌରାଷ୍ଟ୍ର ଦଳକୁ ବିଜେତା ଘୋଷଣା କରାଗଲା । ତେବେ ପ୍ରଥମ ପାଳିରେ ସୌରାଷ୍ଟ୍ର ପାଇଁ ଶତକ ଯୋଡିଥିବା ଅର୍ପିତ ଭାସଭଡାଙ୍କୁ ମ୍ୟାନ ଅଫ ଦ ମ୍ୟାଚ ବିବେଚିତ କରାଯାଇଛି ।

• Celebrations begin in the Saurashtra camp as they take the first-innings lead in the @paytm #RanjiTrophy 2019-20 #Final. 👏👏
  
  Scorecard 👉 https://t.co/LPb46JOjje#SAUvBEN @saucricket pic.twitter.com/rVtruZGSud

  — BCCI Domestic (@BCCIdomestic) March 13, 2020 " class="align-text-top noRightClick twitterSection" data="

  Celebrations begin in the Saurashtra camp as they take the first-innings lead in the @paytm #RanjiTrophy 2019-20 #Final. 👏👏
  
  Scorecard 👉 https://t.co/LPb46JOjje#SAUvBEN @saucricket pic.twitter.com/rVtruZGSud

  — BCCI Domestic (@BCCIdomestic) March 13, 2020

  ">

  Celebrations begin in the Saurashtra camp as they take the first-innings lead in the @paytm #RanjiTrophy 2019-20 #Final. 👏👏
  
  Scorecard 👉 https://t.co/LPb46JOjje#SAUvBEN @saucricket pic.twitter.com/rVtruZGSud

  — BCCI Domestic (@BCCIdomestic) March 13, 2020

2ୟ ଇନିଂସରେ ସୌରାଷ୍ଟ୍ର ପକ୍ଷରୁ ୱିକେଟକିପର ବ୍ୟାଟ୍ସମ୍ୟାନ ଅଭି ବାରୋତ୍ ସର୍ବାଧିକ 39ରନ କରିଥିବା ବେଳେ, ହାର୍ଭିକ ଦେଶାଇ(21), ବିଶ୍ୱରାଜ ଜାଡେଜା(17), ଅର୍ପିତ ଭାସବାଡା(3) ରନ୍ କରି ଆଉଟ୍ ହୋଇଥିବା ବେଳେ ଶେଲଡନ୍ ଜ୍ୟାକସନ୍(12) ରନ୍ କରି ଅପରାଜିତ ଥିଲେ ।

ସେପଟେ ପଞ୍ଚମ ଦିନର ଖେଳ ଆରମ୍ଭରୁ ବେଙ୍ଗଲ ତାର ପୂର୍ବ ଦିନର ସ୍କୋର 354/6ରୁ ଖେଳ ଆରମ୍ଭ କରିଥିଲା । ଗୁରୁବାର ଅପରାଜିତ ଥିବା ଅନୁସ୍ତୁପ ମଜୁମଦାର (63)ଙ୍କ ଉପରେ ଦଳ ଆଶା ବାନ୍ଧିଥିଲା । କିନ୍ତୁ ଶୁକ୍ରବାର ତଥା ଅନ୍ତିମ ଦିବସରେ ଘରୋଇ ଦଳର କ୍ୟାପଟେନ୍ ଜୟଦେବ ଉନାଦକଟ ତାଙ୍କୁ ପାଭେଲିନ ପଠାଇବାରୁ ବଙ୍ଗେଲର ପାଳି ଭୁଶୁଡି ପଡିଲା । ସେହିପରି ଆକାଶ ଦୀପ ଖାତା ଖୋଲିବା ପୂର୍ବରୁ ରନଆଉଟ୍ ହୋଇଥିଲେ । ଅର୍ଣ୍ଣବ ନନ୍ଦି ଗୋଟିଏ ପଟେ ଧୈର୍ଯ୍ୟର ସହ ବ୍ୟାଟିଂ ଜାରି ରଖିଥିବା ବେଳେ ତାଙ୍କୁ ଅନ୍ୟପଟୁ ସେଭଳି ସହଯୋଗ ମିଳିନଥିଲା, ଫଳରେ ବେଙ୍ଗଲ ଟିମ୍ 381 ରନରେ ସୀମିତ ରହିଯାଇଥିଲା ।

ଶେଷକ୍ରମରେ ମୁକେଶ କୁମାର (5) ଓ ଇଶାନ୍ ପୋରେଲ୍ (1) ନିରାଶ କରିଥିବା ବେଳେ ଅର୍ଣ୍ଣବ ନନ୍ଦି 40 ରନ୍ କରି ଅପରାଜିତ ଥିଲେ । ଅନ୍ୟ ବ୍ୟାଟ୍ସମ୍ୟାନଙ୍କ ମଧ୍ୟରେ ସୁଦୀପ ଚାଟାର୍ଜୀ 81, ଋଦ୍ଧିମାନ ଶାହା 63, ମନୋଜ ତିୱାରୀ 35 ଓ ସୁଦୀପ କୁମାର ଘରାମୀ 26 ରନ୍ କରି ଆଉଟ୍ ହୋଇଥିଲେ । ସୌରାଷ୍ଟ୍ର ପକ୍ଷରୁ ଧର୍ମେନ୍ଦ୍ର ସିଂ ଜାଡେଜା 3ଟି, ଉନାଦକଟ ଓ ପ୍ରେରକ୍ ମାଙ୍କଡ 2ଟି ଲେଖାଏଁ ୱିକେଟ ଅକ୍ତିଆର କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ