ହାଇଦ୍ରାବାଦ: ଆଇପିଏଲ-14ତମ ସଂସ୍କରଣ ପାଇଁ ବିସିସିଆଇ 18 ଫେବୃଆରୀରେ ଖେଳାଲିଙ୍କ ନିଲାମ କରିବ । ତେବେ ଏହି ସମୟରେ ଭାରତର ପୂର୍ବତନ କ୍ରିକେଟର ଗୌତମ ଗମ୍ଭୀର ପଞ୍ଜାବ କିଙ୍ଗ୍ସ ପାଇଁ ନିଜର ଏକ ମତ ରଖିଛନ୍ତି ।
ପଞ୍ଜାବ ଦଳରେ ପେସ୍ ଆଟାକ୍ ପାଇଁ ମହମ୍ମଦ ସାମିଙ୍କୁ ଛାଡିଦେଲେ ଅନ୍ୟ ଖେଳାଳି ନାହାଁନ୍ତି । ଏନେଇ ଗମ୍ଭୀର ନିଜର ମତ ଦେଇଛନ୍ତି । ଭାରତର ଉମେଶ ଯାଦବଙ୍କୁ ପଞ୍ଜାବ କିଣିଲେ ଦଳକୁ ଲାଭ ମିଳିବ । ଆରିସିବି ଉମେଶଙ୍କୁ ରିଲିଜ କରିଛି । ଏହି ଖେଳାଳି ଯଦି ଟିମରେ ସାମିଲ ହୁଅନ୍ତି ତେବେ କେଏଲ ରାହୁଲଙ୍କ ପାଖରେ ଫାଷ୍ଟ ବୋଲରଙ୍କ ବିକଳ୍ପ ରହିବ ।
ଗମ୍ଭୀକ କହିଛନ୍ତି ଯେ, ପଞ୍ଜାବ କିଙ୍ଗ୍ସ ନିଜର ଭାରତୀୟ ପେସ୍ ଆଟାକ୍ ମଜବୁତ କରିବାକୁ ଚାହିଁବ । ମହମ୍ମଦ ସାମିଙ୍କ ବ୍ୟତୀତ ତାଙ୍କ ପାଖରେ ଆଉ ଫାଷ୍ଟ ବୋଲର ନାହାଁନ୍ତି । ଉମେଶ ଯାଦବ ତାଙ୍କ ପାଇଁ ଭଲ ବିକଳ୍ପ ହୋଇ ପାରିବ ।
