କରାଚୀ: ପାକିସ୍ତାନ ସୁପର ଲିଗ(PSL)ରେ ଜଣେ ଖେଳାଳି କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏଥିସହ ଏକ ଟିମର ଅନ୍ୟଜଣେ ଖେଳାଳି ଓ ଅଧିକାରୀ ଜୈବ ସୁରକ୍ଷା ବଳୟ ନିୟମ ଉଲଂଘନ କରିବା ପରେ କ୍ବାରେଣ୍ଟିନରେ ରଖାଯାଇଛି ।
ଜୈବ ସୁରକ୍ଷା ବଳୟ ବାହାରେ ଥିବା ଜଣେ ବ୍ୟକ୍ତିଙ୍କ ସଂସ୍ପର୍ଶରେ ଶୁକ୍ରବାର ଏହି ଖେଳାଳି ଓ ଅଧିକାରୀଜଣଙ୍କ ଆସିଥିବା ଜଣାପଡିବା ପରେ 3 ଦିନ କ୍ବାରେଣ୍ଟିନରେ ରହିବାକୁ ନିଷ୍ପତ୍ତି ନିଆଯାଇଛି । ଏହି 3 ଦିନ ମଧ୍ୟରେ ଉଭୟଙ୍କୁ କୋଭିଡ-19 ନେଗେଟିଭ ଟେଷ୍ଟ ରିପୋର୍ଟ ଦେବାକୁ ହେବ । ଏକ ବିବୃତି ଜାରି କରିବା ସହ ଏହା କହିଛି ପାକିସ୍ତାନ କ୍ରିକେଟ ବୋର୍ଡ ।
ପିଏସଏଲ ଶନିବାର(ଫେବ୍ରୁଆରୀ 20)ରୁ ଆରମ୍ଭ ହୋଇଛି । ପ୍ରଥମ ମ୍ୟାଚରେ କରାଚୀ କିଙ୍ଗ୍ସ ଓ କ୍ବେଟା ଗ୍ଳାଡିଏଟର ମଧ୍ୟରେ ଖେଳାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
