ଲାହୋର:20 ଖେଳାଳି ଏବଂ 11 ଜଣ କର୍ମଚାରୀଙ୍କୁ ନେଇ ପାକିସ୍ତାନ ଦଳ ରବିବାର ଦିନ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଏବଂ ଟି -20 ସିରିଜ ପାଇଁ ଇଂଲଣ୍ଡ ଅଭିମୁଖେ ଯାତ୍ରା କରିଛି । ଉଭୟ ସିରିଜ୍, କେଉଁ ତାରିଖରେ ଖେଳାଯିବ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ ।
ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲକୁ ନେଇ ପାକିସ୍ତାନ ସୀମିତ ଓଭର ଅଧିନାୟକ ତଥା ଟେଷ୍ଟ ଦଳର ଉପ-ଅଧିନାୟକ ବାବର ଆଜାମ ଏକ ଫଟୋ ସେୟାର କରି ଲେଖିଛନ୍ତି, “ଆମର ଅନ୍ୟ ଏକ ଐତିହାସିକ ପାକିସ୍ତାନ ଇଂଲଣ୍ଡ ଗସ୍ତ । ଇଂଲଣ୍ଡରେ ଖେଳିବା ପାଇଁ ଏହା ସର୍ବଦା ଉତ୍ତମ ଏବଂ ମୁଁ ଆମର ପ୍ରତିଭାଶାଳୀ ଖେଳାଳିଙ୍କ ସହିତ ଏହି ଯାତ୍ରା କରିବାକୁ ଆଗ୍ରହୀ | ପ୍ରଶଂସକମାନେ, ସର୍ବଦା ଯେପରି ଆମେ ଆପଣଙ୍କର ପ୍ରାର୍ଥନା, ଭଲ ପଇବା ଓ ସମର୍ଥନ ଆବଶ୍ୟକ କରୁ |”
-
20 players to travel to England on Sunday. More details to follow shortly. pic.twitter.com/p9PPRWGd95
— PCB Media (@TheRealPCBMedia) June 27, 2020 " class="align-text-top noRightClick twitterSection" data="
">20 players to travel to England on Sunday. More details to follow shortly. pic.twitter.com/p9PPRWGd95
— PCB Media (@TheRealPCBMedia) June 27, 202020 players to travel to England on Sunday. More details to follow shortly. pic.twitter.com/p9PPRWGd95
— PCB Media (@TheRealPCBMedia) June 27, 2020
ଭ୍ରମଣକାରୀ ଦଳର ସମସ୍ତ ସଦସ୍ୟ ସେମାନଙ୍କ ଯାତ୍ରା ପୂର୍ବରୁ ପରୀକ୍ଷା କରାଯାଇଥିଲା ଏବଂ ସେମାନଙ୍କର ଫଳାଫଳ ନକରାତ୍ମକ ହେବା ପରେ ହିଁ ଅନୁମତି ଦିଆଯାଇଥିଲା | ପାକିସ୍ତାନୀ ଖେଳାଳିମାନେ ସେଠାରେ 14 ଦିନ କ୍ବାରେଣ୍ଟାଇନରେ ରହିବେ । ପରେ ମ୍ୟାଚ ଖେଳିବାକୁ ପଡିଆକୁ ଓହ୍ଲାଇବେ ।
29 ଖେଳାଳିଙ୍କ ଏକ ଦଳ ଇଂଲଣ୍ଡ ଗସ୍ତ କରିବାର ଥିଲା, କିନ୍ତୁ ଓପନର ଫକର ଜମାନ, ଇମ୍ରାନ ଖାନ, କାଶୀଫ ଭାତୀ, ମହମ୍ମଦ ହାଫିଜ, ମହମ୍ମଦ ହସେନ, ମହମ୍ମଦ ରିଜୱାନ ଏବଂ ୱାହାବ ରିଆଜ କୋରୋନା ପଜିଟିଭ ଚିହ୍ନଟ ହୋଇଥିଲେ । ସେମାନଙ୍କ ପୂର୍ବରୁ ସାଦବ ଖାନ, ହରିସ ରାଉଫ ଏବଂ ହାୟଦାର ଅଲ୍ଲୀ ମଧ୍ୟ ସମାନ ଭାବରେ କୋରୋନା ପଜିଟିଭ ଚିହ୍ନଟ ହୋଇଥିଲେ ।
