ଲଣ୍ଡନ: ପାକିସ୍ତାନ ବିପକ୍ଷ ଦ୍ବିତୀୟ ଟେଷ୍ଟ ପାଇଁ ବୋଲର ଓଲି ରବିନସନଙ୍କୁ ଦଳରେ ସାମିଲ କରିଛି ଇଂଲଣ୍ଡ । ଏନେଇ ଶନିବାର ଇଂଲଣ୍ଡ ଓ ୱେଲ୍ସ କ୍ରିକେଟ ବୋର୍ଡ(ଇସିବି) ଘୋଷଣା କରିଛି । ସାଉଥାମ୍ପଟନରେ ସିରିଜର ଦ୍ବିତୀୟ ମ୍ୟାଚ ଖେଳାଯିବ ।
କାଉଣ୍ଟି କ୍ରିକେଟ କ୍ଳବ ସସେକସ ଦଳର ପ୍ରମୁଖ ସଦସ୍ୟ ରହିଥିଲେ ରବିନସନ । ତେବେ ଇସିସି ପକ୍ଷରୁ ତାଙ୍କର ନାମ ସସେକସ ଦଳରୁ ପ୍ରତ୍ୟାହାର କରାଯିବା ସହ ଇଂଲଣ୍ଡ ଦଳରେ ସାମିଲ କରାଯାଇଛି । ଦ୍ବିତୀୟ ଟେଷ୍ଟ ପୂର୍ବରୁ ଜୈବ ସୁରକ୍ଷିତ ପରିବେଶରେ ଇଂଲଣ୍ଡର ଟ୍ରେନିଂ କ୍ୟାମ୍ପରେ ଯୋଗଦେବେ ରବିନସନ । ଏନେଇ ଇଂଲଣ୍ଡ କ୍ରିକେଟ ପକ୍ଷରୁ ଟ୍ବିଟ ଯୋଗେ ସୂଚନା ଦିଆଯାଇଛି ।
26 ବର୍ଷୀୟ ରବିନସନ 57ଟି ପ୍ରଥମ ଶ୍ରେଣୀ ମ୍ୟାଚରୁ 244 ୱିକେଟ ଅକ୍ତିଆର କରିଛନ୍ତି । ତେବେ ଅନ୍ତର୍ଜାତୀୟ ଡେବ୍ୟୁ ଅପେକ୍ଷାର ରହିଛନ୍ତି । ପ୍ରଥମ ଟେଷ୍ଟରେ ଇଂଲଣ୍ଡ ଜେମ୍ସ ଆଣ୍ଡରସନ, ଷ୍ଟୁଆର୍ଟ ବ୍ରଡ, ଜୋଫ୍ରା ଆର୍ଚର ଓ କ୍ରିସ ୱର୍କ୍ସଙ୍କୁ ସହ 4ଜଣ ପେସ ବୋଲରଙ୍କ ସହ ଖେଳିଛି । ଦ୍ବିତୀୟ ଟେଷ୍ଟ ଅଗଷ୍ଟ 13ରୁ ଏଜେସ ବାୱଲ ସାଉଥାମ୍ପଟନରେ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
