ଚଟ୍ଟଗ୍ରାମ(ବାଂଲାଦେଶ): ଆଇସିସି ପୁରୁଷ କ୍ରିକେଟ ବିଶ୍ବକପ 2023 ପାଇଁ ଯୋଗ୍ୟତା ଅର୍ଜନର ନିକଟତର ହୋଇଛି ବାଂଲାଦେଶ । ୱେଷ୍ଟଇଣ୍ଡିଜ ବିପକ୍ଷ ଆଇସିସି ପୁରୁଷ କ୍ରିକେଟ ବିଶ୍ବକପ ସୁପର ଲିଗ ସିରିଜକୁ ମୂଳପୋଛ କରିଛି ବାଂଲାଦେଶ ।
ପ୍ରଭାବୀ ପ୍ରଦର୍ଶନ ସହ 3 ମ୍ୟାଚ ବିଶିଷ୍ଟ ଦିନିକିଆ ସିରିଜର ତୃତୀୟ ମ୍ୟାଚକୁ 120 ରନର ବଡ ବ୍ୟବଧାନରେ ଜିତିନେଇଛି ବାଂଲାଦେଶ । ଏଥିସହ 3-0ରେ ସିରିଜ କ୍ଳିନ ସୁଇପ କରିଛି । ଫଳରେ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ପହଞ୍ଚିଯାଇଛି ବାଂଲାଦେଶ । ସମାନ 30 ପଏଣ୍ଟ ଇଂଲଣ୍ଡର ମଧ୍ୟ ରହିଛି । ମାତ୍ର ନେଟ ରନ ରେଟ୍ରେ ବାଲାଂଦେଶ ଆଗରେ ରହିଛି ।
ପାକିସ୍ତାନ ଓ ଆଫଗାନିସ୍ତାନ ଦୁଇଟି ବିଜୟ ସହ 20 ପଏଣ୍ଟ ହାସଲ କରିଛନ୍ତି । ଚଳିତ ଆୟରଲାଣ୍ଡ ବିପକ୍ଷ ପ୍ରଥମ ଦୁଇଟି ମ୍ୟାଚରେ ବିଜୟ ସହ ଆଫଗାନିସ୍ତାନ ପଏଣ୍ଟ ଖାତା ଖୋଲିଛି । ଜିମ୍ବାୱେ, ଆୟରଲାଣ୍ଡ ଓ ଭାରତ ଏଯାବତ ଗୋଟିଏ ଲେଖାଏଁ ମ୍ୟାଚ ଜିତିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
