ଅହମ୍ମଦାବାଦ: ଭାରତ ଓ ଇଂଲଣ୍ଡ ମଧ୍ୟରେ ଟି20 ସିରିଜର ଅବିଶିଷ୍ଟ ମ୍ୟାଚ ନରେନ୍ଦ୍ର ମୋଦି ଷ୍ଟାଡିୟମ ଅହମ୍ମଦାବାଦରେ ବିନା ଦର୍ଶକରେ ଖେଳାଯିବ। କୋରୋନା ସଂକ୍ରମଣ ଯୋଗୁଁ ଗୁଜୁରାଟ କ୍ରିକେଟ ଆସୋସିଏସନର ବଡ ନିଷ୍ପତ୍ତି । 5 ମ୍ୟାଚ ବିଶିଷ୍ଟ ଟି20 ସିରିଜର ମାତ୍ର ଦୁଇଟି ମ୍ୟାଚ ଖେଳାଯାଇଛି । ଅବଶିଷ୍ଟ 3ଟି ମ୍ୟାଚ ବିନା ଦର୍ଶକରେ ଖେଳାଯିବା ନେଇ ସୂଚନା ରହିଛି ।
ବଢୁଥିବା କୋରୋନା ଭାଇରାସ ସଂକ୍ରମଣ ସ୍ଥିତିକୁ ଦେଖି ଏହି ନିଷ୍ପତ୍ତି ନିଆଯଆଇତିବା କୁହାଯାଉଛି । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟର ରିପୋର୍ଟ ଅନୁଯାୟୀ, ଗତ 24 ଘଣ୍ଟାରେ ଦେଶରେ ପ୍ରାୟ 25, 320 ନୂଆ କୋରୋନ ପଜିଟିଭ କେସ ରିପୋର୍ଟ ହୋଇଥିବାବେଳେ, 16, 637 ଜଣ ସୁସ୍ଥ ହୋଇଛନ୍ତି ।
ପ୍ରଥମ ଟି20ରେ ମୋଟ 67,532 ଜଣ ଦର୍ଶକ ଓ ଦ୍ବିତୀୟ ଟି20ରେ ନରେନ୍ଦ୍ର ମୋଦି ଷ୍ଟାଡିୟମରେ ପ୍ରାୟ 66,000 ଦର୍ଶକ ଉପସ୍ଥିତ ଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
