ଏବେ ଇଂଲଣ୍ଡ ଟିମରେ ଖେଳିବେ ଅମୀର୍!

ପାକିସ୍ତାନର ପେସ୍ ବୋଲର ମହମ୍ମଦ ଅମୀର୍‌ ଏବେ ଇଂଲଣ୍ଡର ନିବାସୀ ହୋଇପାରନ୍ତି । ଖବର ମୁତାବକ୍‌ ଅମୀର୍ ବ୍ରିଟିଶ ପାସପୋର୍ଟ ପାଇଁ ଆବେଦନ କରିଛନ୍ତି ।

କରାଚି: ମାତ୍ର 27 ବର୍ଷରେ ଟେଷ୍ଟ କ୍ରିକେଟକୁ ଅଲବିଦା କହିଥିବା ପାକିସ୍ତାନର ପେସ୍ ବୋଲର ଏବେ ଇଂଲଣ୍ଡର ନିବାସୀ ହୋଇପାରନ୍ତି । ଖବର ମୁତାବକ୍‌ ଅମୀର୍ ବ୍ରିଟିଶ ପାସପୋର୍ଟ ପାଇଁ ଆବେଦନ କରିଛନ୍ତି ।

2016 ସେପ୍ଟେମ୍ବରରେ ସେ ବ୍ରିଟିଶ ନାଗରିକ ନର୍ଗିସ୍ ମଲିକଙ୍କୁ ବିବାହ କରିଥିଲେ । ଫଳରେ ସେ ସ୍ପାଉସ୍ ଭିସା ପାଇଁ ଯୋଗ୍ୟ ବିବେଚିତ ହୋଇପାରିବେ । ଖବର ଅନୁଯାୟୀ, ଆମୀର ନିୟମିତ ଭାବେ ଇଂଲଣ୍ଡ ଯିବା ଆସିବା କରନ୍ତି ଏବଂ ଗତବର୍ଷରୁ କାଉଣ୍ଟି କ୍ରିକେଟ୍ ଖେଳିଆସୁଛନ୍ତି । ଏଥିପାଇଁ ଏବେ ତାଙ୍କୁ କୌଣସି ଅସୁବିଧା ହେବ ନାହିଁ।