ମେଲବୋର୍ଣ୍ଣ: ଅଷ୍ଟ୍ରେଲିଆ କ୍ରିକେଟ ବୋର୍ଡରୁ ମାଇକେଲ କାସପ୍ରୋୱିକଜଙ୍କ ଇସ୍ତଫା । ଏନେଇ ସୂଚନା ଦେଇଛନ୍ତି କ୍ରିକେଟ ଅଷ୍ଟ୍ରେଲିଆ(CA)ର ଚେୟାରମ୍ୟାନ ଏର୍ଲ ଏଡିଙ୍ଗସ ।
ଅଷ୍ଟ୍ରେଲିଆର ପୂର୍ବତନ ପେସର କାସପ୍ରୋୱିକଜ ବୋର୍ଡରେ ଅଣ-କାର୍ଯ୍ୟନିର୍ବାହୀ ନିର୍ଦ୍ଦେଶକ ଭାବେ କାର୍ଯ୍ୟରତ ଥିଲେ । ସେ ସବୁଠୁ ଲମ୍ବା ସମୟ ପାଇଁ ବୋର୍ଡର ନିର୍ଦ୍ଦେଶକ ରହିଥିଲେ । ପୂର୍ବତନ ମୁଖ୍ୟ କାର୍ଯ୍ୟନିବାହୀ ଅଧିକାରୀ କେଭିନ ରୋବର୍ଟସ ବିବାଦୀୟ ଭାବେ ପଦ ଛାଡିବାର ଗୋଟିଏ ସପ୍ତାହ ପରେ କାସପ୍ରୋୱିକଜ ଇସ୍ତଫା ଦେବାକୁ ସ୍ଥିର କରିଥିଲେ । ଇସ୍ତଫା ପତ୍ରରେ କାରଣ ଦର୍ଶାଇବା ସହ ଅଷ୍ଟ୍ରେଲିଆ କ୍ରିକେଟ ବୋର୍ଡର ଉନ୍ନତି କାମନା କରିଛନ୍ତି ।
"ବୋର୍ଡରେ କାର୍ଯ୍ୟ କରିବାର ସୁଯୋଗ ପାଇଥିବାରୁ ଏହା ସମ୍ମାନର କଥା । ପଦରେ ରହି ମର୍ଯ୍ୟାଦାର ସହ ସମସ୍ତ ଉଚିତ ନିଷ୍ପତ୍ତି ନେଇଥିବା ବିଶ୍ବାସ । ବୋର୍ଡରୁ ବିଦାୟ ନେବାପାଇଁ ଏହା ସଠିକ ସମୟ ।" ଇସ୍ତଫା ପତ୍ରରେ ଏହା ଲେଖିଛନ୍ତି କାସପ୍ରୋୱିକଜ ।
