ନୂଆଦିଲ୍ଲୀ: ଅଷ୍ଟ୍ରେଲିଆର ପୂର୍ବତନ ବ୍ୟାଟ୍ସମ୍ୟାନ ମାଇକେଲ ହସି ଏମଏସ ଧୋନିଙ୍କୁ ଜଣେ ଚାମ୍ପିୟନ କ୍ରିକେଟର ବୋଲି କହିଛନ୍ତି । ଏହାସହ କହିଛନ୍ତି ଯେ ମହାମରୀ ଯୋଗୁଁ ହୋଇଥିବା ବାଧ୍ୟତାମୂଳକ ବିରତି ତାଙ୍କୁ ଭାରତୀୟ ଦଳ ପାଇଁ ସେ ଖେଳିବାକୁ ଚାହୁଁଛନ୍ତି କି ନାହିଁ ସେନେଇ ଚିନ୍ତା କରିବାକୁ ସମୟ ନେଇପାରନ୍ତି ।
ହସି କହିଛନ୍ତି ଯେ, ମୁଁ ନିଶ୍ଚିତ ଭାବରେ ଜଣେ ଭାରତୀୟ ଚୟନକର୍ତ୍ତା ନୁହେଁ କିନ୍ତୁ ମୁଁ ଭାବୁନାହିଁ ଯେ ଆପଣ ଏମଏସଡିଙ୍କୁ ଏମିତି ଛାଡ଼ି ଦେଇ ପାରିବେ । ଆପଣ ଚାମ୍ପିଅନ୍ ତଥା ଚାମ୍ପିଅନ୍ ଖେଳାଳିଙ୍କୁ କଦାପି ଛାଡିଦେବା ଉଚିତ ନୁହେଁ ଏବଂ ସେ ଖେଳାଳି ତଥା ଲିଡର ଭାବରେ ଦେଶକୁ ଅନେକ କିଛି ଦେଇଛନ୍ତି।
ବୋଧହୁଏ ଏହି ବ୍ରେକ ତାଙ୍କ ପାଇଁ ବିଶ୍ରାମ ନେବା ଏବଂ ବିଶେଷ ଭାବରେ ଶାରୀରିକ ଦିଗରୁ ବିରତି ପାଇବା ପାଇଁ ସହାୟକ ହେବ । ସେ (ଧୋନି) ଏବେବି ନିଜକୁ ବହୁତ ଫିଟ ରଖିଛନ୍ତି, ଯେ ପର୍ଯ୍ୟନ୍ତ ସେ ନିଜକୁ ଫିଟ୍ ଏବଂ ସୁସ୍ଥ ରଖନ୍ତି ତାଙ୍କୁ ବାଦ ଦେବା ଠିକ ହେବା ନାହିଁ । କାରଣ ତାଙ୍କର ବହୁତ ଅଭିଜ୍ଞତା ଅଛି ।
ତାଙ୍କ ଦକ୍ଷତାକୁ ଆବଶ୍ୟକ ସ୍ତରକୁ ଆଣିବା ପାଇଁ ସମୟ ଲାଗିବ କିନ୍ତୁ ଯେତେ ଦିନ ପର୍ଯ୍ୟନ୍ତ ଅନ୍ୟ ଖେଳାଳିମାନେ ମଧ୍ୟ ସେମାନଙ୍କ ଖେଳ ଜାଣନ୍ତି ନାହିଁ। ସେ ନିଜ ଖେଳ ଏବଂ ସାଧାରଣତଃ ପୁରା ଖେଳ ବିଷୟରେ ବହୁତ ଭଲ ବୁଝନ୍ତି। ମୁଁ ଦକ୍ଷତା ଦୃଷ୍ଟିକୋଣରୁ ଚିନ୍ତିତ ନୁହେଁ ବୋଲି ହସି ଆହୁରି କହିଛନ୍ତି।
ଧୋନି 2019 ବିଶ୍ବକପ ସେମିଫାଇନାଲ ପରଠାରୁ ବିଶ୍ରାମରେ ରହିଛନ୍ତି ।
ଚଳିତ ବର୍ଷ ଶେଷରେ ଅଷ୍ଟ୍ରେଲିଆରେ ଆୟୋଜିତ ହେବାକୁ ଥିବା ଟି-20 ବିଶ୍ବକପ ସହିତ ୱିକେଟ କିପର ବ୍ୟାଟ୍ସମ୍ୟାନ ଭାରତୀୟ ଦଳକୁ ଫେରିବେ କି ନାହିଁ ତାହା ଉପରେ ଅନେକ ଚର୍ଚ୍ଚା ଚାଲିଛି । ତେବେ ବର୍ତ୍ତମାନ କରୋନାଭାଇରସ ମହାମାରୀ କାରଣରୁ ଟି-20 ବିଶ୍ବକପ ମଧ୍ୟ ସନ୍ଦେହ ଘେରରେ ରହିଛି।
ଏକମାତ୍ର ପ୍ରଶ୍ନ ହେଉଛି ଏହା କଣ ପ୍ରକୃତରେ ଏମଏସଡି ଉପରେ ନିର୍ଭର କରେ। ସେ ଆନ୍ତର୍ଜାତୀୟ ସ୍ତରରେ ଦେଶ ପାଇଁ ଖେଳିବା ନେଇ ଶାରୀରିକ ତଥା ମାନସିକ ସ୍ତରରେ ସମ୍ପୃକ୍ତ ରହିବାକୁ ଇଚ୍ଛୁକ କି, ତା’ହେଲେ ମୋର ସନ୍ଦେହ ନାହିଁ ଯେ ସେ ଏବେ ବି ଏହା କରିପାରିବେ । କିନ୍ତୁ ସେ ଏହା କରିବାକୁ ଚାହୁଁଛନ୍ତି କି ? ବୋଲି ହସି ପଚାରିଛନ୍ତି ।
ବୋଧହୁଏ ଏମଏସଡିଙ୍କ ପାଇଁ ଏହି ବାଧ୍ୟତାମୂଳକ ବିରତି ତାଙ୍କୁ ମାନସିକ ସ୍ତରରେ ସତେଜ କରିବାର ସୁଯୋଗ ଦେବ ଏବଂ ଭାରତ ପାଇଁ କିଛି କରିବାର ସେହି କ୍ଷୁଧାକୁ ପୁନର୍ବାର ତାଙ୍କ ଭିତର ସୃଷ୍ଟି କରିବ । ମୁଁ ତାଙ୍କୁ କୌଣସି ପ୍ରଶ୍ନ ଲେଖୁନାହିଁ, କିନ୍ତୁ ମୁଁ ଭାବୁଛି ଏହା ସମ୍ପୂର୍ଣ୍ଣ ଭାବେ ତାଙ୍କ ଉପରେ, ଏବଂ ତାଙ୍କ ମନ ଉପରେ ଓ ହୃଦୟ ଉପରେ ନିର୍ଭର କରେ, ଯେ ସେ ଏହା କରିବାକୁ ଚାହୁଁଛନ୍ତି କି ନାହିଁ (ଆନ୍ତର୍ଜାତୀୟ ସ୍ତରରେ) ବୋଲି ସେ କହିଛନ୍ତି।
ଧୋନି ଆଇପିଏଲର 13ତମ ସଂସ୍କରଣରେ ସିଏସକେର ନେତୃତ୍ବ ନେବାର ଥିଲା କିନ୍ତୁ କୋରୋନା ମହାମାରୀ କାରଣରୁ ଏହା ଅନିର୍ଦ୍ଧିଷ୍ଟ କାଳ ପାଇଁ ସ୍ଥଗିତ ହୋଇଯାଇଛି ।
@IANS
