ହାଇଦ୍ରାବାଦ: ଚଳିତବର୍ଷ ଆଇପିଏଲ ପାଇଁ କିଙ୍ଗ୍ସ ଇଲେଭନ ପଞ୍ଜାବ ଟ୍ରେନିଂ ଆରମ୍ଭ କରିଦେଇଛି । କେଏଲ ରାହୁଲ, ମୟଙ୍କ ଅଗ୍ରଓ୍ବାଲ ବି ଟ୍ରେନିଂ କରୁଥିବାର ନଜର ଆସିଛନ୍ତି । କୋଭିଡ-19 କାରଣରୁ ଆଇପିଏଲ 2020 ୟୁଏଇରେ ଆୟୋଜିତ ହେଉଛି ।
ତେବେ ଏନେଇ କ୍ରିକେଟ ବୋର୍ଡ କିଛି ଗାଇଡଲାଇନ ଜାରି କରିଛନ୍ତି, ଏହାର ପାଳନ ସମସ୍ତ ଖେଳାଳି କରୁଛନ୍ତି । କିଙ୍ଗ୍ସ ଇଲେଭନ ପଞ୍ଜାବର ଓପନର ମୟଙ୍କ ଅଗ୍ରଓ୍ବାଲ କହିଛନ୍ତି ଯେ, ମହାମାରୀ କାରଣରୁ ବହୁଦିନ ପରେ ଗ୍ରାଉଣ୍ଡକୁ ଫେରିଛୁ । ଆଇପିଏଲ2020 ଭିନ୍ନ ହେବ । ନୂଆ ଚ୍ୟାଲେଞ୍ଜର ସାମ୍ନା କରିବାକୁ ପଡିବ । କିନ୍ତୁ ନୂଆ ନିୟମ ସହ ଆମେ ଆମର ସର୍ବଶ୍ରେଷ୍ଠ ପ୍ରଦର୍ଶନ କରିବା ପାଇଁ ଚେଷ୍ଟା କରୁଛୁ ।
ଚଳିତବର୍ଷ ଆଇପିଏଲ ସେପ୍ଟେମ୍ବର19ରେ ଆରମ୍ଭ ହେବ, କିନ୍ତୁ ଏଯାଏଁ ଖେଳସୂଚୀ ଘୋଷଣା ହୋଇ ନାହିଁ ।
