ଢାକା: ବାଂଲାଦେଶର ଟି-20 ଅଧିନାୟକ ମହମୁଦୁଲ୍ଲା ରିୟାଦଙ୍କ କୋରୋନା ରିପୋର୍ଟ ପଜିଟିଭ ଆସିଛି । ଫଳରେ ସେ ପାକିସ୍ତାନ ସୁପର ଲିଗ୍(ପିଏସଏଲ)ର ପ୍ଲେଏଫ୍ରେ ଖେଳି ପାରିବ ନାହିଁ ବୋଲି ସ୍ଥାନୀୟ ମିଡିଆ କହିଛି ।
34ବର୍ଷୀୟ ଅଲରାଉଣ୍ଡର ମହମୁଦୁଲ୍ଲା ରବିବାର ରାତିରେ ଦୁବାଇ ଦେଇ ପାକିସ୍ତାନକୁ ଯାଇଥାନ୍ତେ । କିନ୍ତୁ ତାଙ୍କ ରିପୋର୍ଟ ପଜିଟିଭ ଆସିବାରୁ ସେ ନିଜକୁ ଆଇସୋଲେଟ କରିଛନ୍ତି ।
ସେ ବଙ୍ଗବନ୍ଧୁ ଟି20 କପ ଖେଳିବେ କି ନାହିଁ ଏବେ ସନ୍ଦେହ ଘେରରେ । ଏହି ଟୁର୍ଣ୍ଣାମେଣ୍ଟ 21 କିମ୍ବା 22 ନଭେମ୍ବରରେ ଆରମ୍ଭ ହେବ । ତେବେ ଏହି ଟି-20 ଅଧିନାୟକ ଅତି ଶୀଘ୍ର ପୁଣି କୋରୋନା ଟେଷ୍ଟ କରାଇବେ ।
ପିଏସଏଲର ଲିଗ ପଏଣ୍ଟ ଟେବୁଲର ଟପ୍ରେ ଥିବା ମୁଲତାନ ସୁଲତାନ୍ସ ଟିମର ମୋଇନ ଅଲ୍ଲିଙ୍କ ସ୍ଥାନରେ ମହମୁଦୁଲ୍ଲାଙ୍କୁ ଟିମରେ ସାମିଲ କରାଯାଇଥିଲା ।
