ନୂଆଦିଲ୍ଲୀ: ଆତଙ୍କବାଦୀଙ୍କ ଟାର୍ଗେଟରେ ଭାରତୀୟ କ୍ରିକେଟ ଟିମର ଅଧିନାୟକ ବିରାଟ କୋହଲି । ରାଷ୍ଟ୍ରୀୟ ଯାଞ୍ଚ ଏଜେନ୍ସି (ଏନଆଇଏ)ର ସୂଚନାନୁସାରେ, ଅଲ୍ ଇଣ୍ଡିଆ ଲସ୍କର-ଏ-ତୋଇବା ଦେଶର 12 ବିଶିଷ୍ଟ ବ୍ୟକ୍ତିଙ୍କୁ ଟାର୍ଗେଟ କରିଛି । ସେଥିରେ କୋହିଲଙ୍କ ନାଁ ମଧ୍ୟ ସାମିଲ ଅଛି ।
ରିପୋର୍ଟ ଅନୁସାରେ, ବିରାଟଙ୍କ ନାଁ ଆତଙ୍କି ହିଟ ଲିଷ୍ଟରେ ଆସିବା ପରେ ବିସିସିଆଇ କୋହଲିଙ୍କ ସୁରକ୍ଷା ଦାୟିତ୍ବ କଡାକଡି କରିବା ପାଇଁ ସମୀକ୍ଷା କରିବ ।
ତେବେ ସେହି ହିଟ ଲିଷ୍ଟରେ ଆତଙ୍କବାଦୀମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ, ରକ୍ଷାମନ୍ତ୍ରୀ ରାଜନାଥ ସିଂହ ଏବଂ ଜାମ୍ମୁ ଓ କାଶ୍ମୀରର ରାଜ୍ୟପାଳ ସତ୍ୟପାଲ ମଲିକଙ୍କୁ ଟାର୍ଗେଟ କରିବା ନେଇ ଯୋଜନା କରୁଥିବା ଜଣା ପଡିଛି ।
