ଲଣ୍ଡନ: ରବିବାର ବିଶ୍ବକପ ଫାଇନାଲ ମ୍ୟାଚରେ ଚାଲିଛି ନ୍ୟୁଜିଲାଣ୍ଡ ଓ ଆୟୋଜକ ଇଂଲଣ୍ଡ ମୁକାବିଲା । ନୂଆ ବିଶ୍ବକପ ଚମ୍ପିଆନ ଦେଖିବାକୁ ସାରା ବିଶ୍ବ ଆଗ୍ରହ ସହକାରେ ଅନାଇ ରହିଛି । ତେବେ ମ୍ୟାଚ ପୂର୍ବବର୍ତ୍ତୀ ସାମ୍ବାଦିକ ସମ୍ମିଳନୀରେ ଏକ ମଜାଦାର କଥା କହିଛନ୍ତି କିୱି ଦଳର ଅଧିନାୟକ କେନ ୱିଲିୟମସନ ।
ନ୍ୟୁଜିଲାଣ୍ଡ ଦଳକୁ ଅଣ୍ଡରଡଗ ଶବ୍ଦ କୁହାଯିବା ନେଇ ସମ୍ମାଦିକଙ୍କ ଏକ ପ୍ରଶ୍ନର କିଛି ଏମିତି ଉତ୍ତର ରଖିଛନ୍ତି ୱିଲିୟମସନ । ସେ କହିଛନ୍ତି, "ଆମେ ଯେଉଁ ଡଗ ହେଉ ନା କାହିଁକି, ଆମେ ଆମ ଖେଳ ଉପରେ ଫୋକସ କରୁଛୁ । ବିଶ୍ବକପରେ ଆମେ ଦେଖିଛୁ କୌଣସି ଦଳ କୌଣସି ଦଳକୁ ମାତ୍ ଦେବାର କ୍ଷମତା ରଖିଥାଏ । ତେଣୁ ଅଣ୍ଡରଡଗ ଶବ୍ଦର କିଛି ଅର୍ଥ ନାହିଁ ।"
ଉଲ୍ଲେଖଥାଉ କି, ଚଳିତ ବିଶ୍ବକପରେ ନ୍ୟୁଜିଲାଣ୍ଡ ଲିଗ୍ ପର୍ଯ୍ୟାୟରେ ମାତ୍ର 5ଟି ମ୍ୟାଚ ବିଜୟ ସହ ଫାଇନାଲରେ ସ୍ଥାନ ପକ୍କା କରିପାରିଛି । ସେମିଫାଇନାଲରେ ଭାରତ ବିପକ୍ଷ ମ୍ୟାଚକୁ ରିଜର୍ଭ ଡେରେ 18 ରନରେ ଜିତି ନେଇଥିଲା ନ୍ୟୁଜିଲାଣ୍ଡ ।
