ହାଇଦ୍ରାବାଦ: ଇଣ୍ଡିଆନ ପ୍ରିମିୟର ଲିଗ(ଆଇପିଏଲ)କୁ ନେଇ ଇଂଲଣ୍ଡ କ୍ରିକେଟର ଜସ ବଟଲରଙ୍କ ବଡ ବୟାନ । ବଟଲର କହିଛନ୍ତି ଇଂଲିସ କ୍ରିକେଟର ସଫଳତା ପଛରେ ଆଇପିଏଲର ଭୂମିକା ରହିଛି ।
ତେବେ ବଟଲର ଆଇପିଏଲକୁ ବ୍ୟହବହୁଳ କ୍ରିକେଟ ଟୁର୍ଣ୍ଣାମେଣ୍ଟ ବୋଲି ସ୍ବୀକାର କରିଛନ୍ତି । ଏଥସହିତ ଆଇସିସି ଟି-20 ବିଶ୍ବକପରେ ପରେ, ଆଇପିଏଲ ବିଶ୍ବ କ୍ରିକେଟରେ ଶ୍ରେଷ୍ଠ ଟୁର୍ଣ୍ଣାମେଣ୍ଟ ବୋଲି କହିଛନ୍ତି ।
ଆଇପିଏଲର ପ୍ରମୁଖ ଖେଳାଳି ରହିଛନ୍ତି ଇଂଲଣ୍ଡର ଏହି ବିସ୍ପୋରକ ୱିକେଟକିପର ବ୍ୟାଟ୍ସମ୍ୟାନ । ଆଇପିଏଲର 2016-17 ସଂସ୍କରଣରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଖେଳିଥିଲେ ବଟଲର । ପରେ 2018ରେ ରାଜସ୍ଥାନ ରୟାଲ୍ସର ପ୍ରମୁଖ ଖେଳାଳି ରହିଥିଲେ । ଆଇପିଏଲ ଦ୍ବାରା ଏକାଧିକ ଇଂଲଣ୍ଡ ଖେଳାଳିଙ୍କ ପ୍ରଦର୍ଶନରେ ଅବିଶ୍ବସନୀୟ ଉନ୍ନତି ହୋଇଛି । ଇଂଲଣ୍ଡ କ୍ରିକେଟର ସଫଳତାରେ ଆଇପିଏଲର ଯୋଗଦାନ ରହିଥିବା ନିସନ୍ଦେହ ବୋଲି ସେ କହିଛନ୍ତି ।
