ଆବୁଧାବି: ନ୍ୟୁଜିଲାଣ୍ଡର ମାର୍ଟିନ୍ ଗୁପିଲଙ୍କ ସେହି ଡାଇରେକ୍ଟ ହିଟ୍ ପରେ ଆଉ ଅନ୍ତର୍ଜାତୀୟ ଷ୍ଟାଡିୟମକୁ ଫେରିନଥିଲେ ପୂର୍ବତନ ଭାରତୀୟ ଅଧିନାୟକ । ଇତି ମଧ୍ୟରେ ଅନ୍ତର୍ଜାତୀୟ କ୍ରିକେଟରୁ ବି ଅବସର ନେଇସାରିଛନ୍ତି ଧୋନି । ତେବେ ଅବସରର 34 ଦିନ ପରେ ଓ ଶେଷ ମ୍ୟାଚର 436 ଦିନ ଲମ୍ବା ବ୍ୟବଧାନ ପରେ ଏବେ ଗ୍ରାଉଣ୍ଡରେ ଦେଖାଦେବେ ଭାରତୀୟ କ୍ରିକେଟର ଲୋକପ୍ରିୟ କ୍ରିକେଟର ମହେନ୍ଦ୍ର ସିଂ ଧୋନି ।
ଆଜି ଆଇପିଏଲର ଉଦଘାଟନୀ ମ୍ୟାଚରେ ଧୋନିଙ୍କୁ ପଡିଆରେ ଦେଖିବାକୁ ମିଳିବ । କାରଣ ଆଇପିଏଲର ପ୍ରଥମ ମ୍ୟାଚରେ ସାମ୍ନାସାମ୍ନି ହେବେ ମୁମ୍ବାଇ ଓ ଚେନ୍ନାଇ । ୟୁଏଇ ଆବୁଧାବିର ଶେଖ ଜାୟଦ ଷ୍ଟାଡିୟମରେ ଖେଳାଯିବ ଏହି ମ୍ୟାଚ । ଭାରତୀୟ ସମୟ ସଂଧ୍ୟା 7.30ରୁ ଆରମ୍ଭ ହେବ ମ୍ୟାଚ ।
ତେବେ ଶେଷଥର ପାଇଁ ଗତ ବର୍ଷ ଜୁଲାଇ 10 ତାରିଖରେ ପଡିଆରେ କ୍ରିକେଟ ଖେଳିଥିଲେ ମହେନ୍ଦ୍ର ସିଂ ଧୋନି । ଇଂଲଣ୍ଡ ମାଞ୍ଚଷ୍ଟାରରେ ଦିନିକିଆ ବିଶ୍ବକପର ସେମିଫାଇନାଲ ମ୍ୟାଚରେ ଖେଳିଥିଲେ ଧୋନି ।
ଆଇପିଏଲ 2020: 436 ଦିନ ପରେ ଗ୍ରାଉଣ୍ଡକୁ ଫେରିବେ ଧୋନି
ବ୍ୟୁରୋ ରିପୋର୍ଟ, ଇଟିଭି ଭାରତ
