ଦୁବାଇ: ଇଣ୍ଡିଆନ ପ୍ରିମିୟର ଲିଗର 51ତମ ମ୍ୟାଚରେ ଶନିବାର ଦିଲ୍ଲୀ କ୍ୟାପିଟାଲ୍ସ ସହ ମୁମ୍ବାଇ ଇଣ୍ଡିଆନ୍ସର ମୁକାବିଲା ହେଉଛି । ଟସ ଜିତି ମୁମ୍ବାଇ ଇଣ୍ଡିଆନ୍ସ ପ୍ରଥମେ ବୋଲିଂ ନିଷ୍ପତ୍ତି ନେଇଛି । ଫଳରେ ପ୍ରଥମେ ବ୍ୟାଟିଂ କରିବ ଦିଲ୍ଲୀ କ୍ୟାପିଟାଲ୍ସ ।
-
Match 51. Mumbai Indians win the toss and elect to field https://t.co/4ccAy22BB4 #DCvMI #Dream11IPL #IPL2020
— IndianPremierLeague (@IPL) October 31, 2020 " class="align-text-top noRightClick twitterSection" data="
">Match 51. Mumbai Indians win the toss and elect to field https://t.co/4ccAy22BB4 #DCvMI #Dream11IPL #IPL2020
— IndianPremierLeague (@IPL) October 31, 2020Match 51. Mumbai Indians win the toss and elect to field https://t.co/4ccAy22BB4 #DCvMI #Dream11IPL #IPL2020
— IndianPremierLeague (@IPL) October 31, 2020
ଟୁର୍ଣ୍ଣାମେଣ୍ଟ ଆରମ୍ଭରୁ ଦମଦାର ପ୍ରଦର୍ଶନ କରିଥିବା ଦିଲ୍ଲୀ କ୍ୟାପିଟାଲ୍ସ ଲଗାତାର 3ଟି ପରାଜୟ ଭୋଗିଛି । ଫଳରେ ଏହି ମ୍ୟାଚରେ ବିଜୟ ସହ ପ୍ଲେ-ଅଫ ସ୍ଥାନ ପକ୍କା କରିବା ଲକ୍ଷ୍ୟରେ ରହିବ ଶ୍ରେୟସ ଆୟରଙ୍କ ଟିମ ।
ଅନ୍ୟପଟେ ମୁମ୍ବାଇ ଇଣ୍ଡିଆନ୍ସ ଚଳିତ ଆଇପିଏଲରେ ପ୍ରଥମ ଟିମ ଭାବେ ପ୍ଲେ-ଅଫରେ ପହଞ୍ଚିସାରିଛି ।
ମୁମ୍ବାଇ ଇଣ୍ଡିଆନ୍ସ 16 ପଏଣ୍ଟ ସହ ପଏଣ୍ଟ ଟେବୁଲର ଶୀର୍ଷରେ ରହିଛି । ଅନ୍ୟପଟେ ଦିଲ୍ଲୀ କ୍ୟାପିଟାଲ୍ସ 14 ପଏଣ୍ଟ ସହ 3ୟ ସ୍ଥାନରେ ରହିଛି । ସମାନ 14 ପଏଣ୍ଟ ସହ ନେଟ ରନ ରେଟ ଆଧାରରେ ତାଲିକାର ଦ୍ବିତୀୟ ସ୍ଥାନରେ ରହିଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ।
ବାକି ଥିବା ଦୁଇଟି ଲିଗ ପର୍ଯ୍ୟାୟ ମ୍ୟଚରେ ଦିଲ୍ଲୀ ପରାଜିତ ହେଲେ, କିଙ୍ଗ୍ସ ଇଲେଭେନ ପଞ୍ଜାବ ନେଟ ରନ ରେଟ ଆଧରରେ ଦିଲ୍ଲୀକୁ ଅତିକ୍ରମ କରିବାର ସମ୍ଭାବନା ରହିଛି । ଅନ୍ୟପଟେ ବଡ ବ୍ୟବଧାନରେ ଯଦି ଦିଲ୍ଲୀ କ୍ୟାପିଟାଲ୍ସକୁ ପରାଜୟ ମିଳେ, ଓ କୋଲକାତା ନାଇଟ ରାଇଡର୍ସ ଓ ସନରାଇଜର୍ସ ହାଇଦ୍ରାବାଦ ବଡ ବିଜୟ ହାସଲ କରନ୍ତି ତେବେ ଶୀର୍ଷ 4 ଟିମ ମଧ୍ୟରୁ ବାଦ ପଡିବାର ସମ୍ଭାବନା ମଧ୍ୟ ରହିଛି ।
ତେବେ ଆଜିର ମ୍ୟାଚରେ ବିଜୟ ଦିଲ୍ଲୀ ପାଇଁ ପ୍ଲେ-ଅଫ ସ୍ଥାନ ସୁରକ୍ଷିତ କରିବ ।
ଦିଲ୍ଲୀ କ୍ୟାପିଟାଲ୍ସ(ଚୁଡାନ୍ତ ଏକାଦଶ): ପୃଥ୍ବୀ ଶ, ଶିଖର ଧାୱନ, ଶ୍ରେୟସ ଆୟର(କ୍ୟାପଟେନ), ଋଷଭ ପନ୍ତ(ୱିକେଟ କିପର), ସିମ୍ରନ ହେଟମେୟର, ମାର୍କସ ଷ୍ଟୋଇନିସ, ହର୍ଷଲ ପଟେଲ, କାଗିସୋ ରବାଡା, ରବିଚନ୍ଦ୍ରନ ଅଶ୍ବିନୀ, ପ୍ରବିଣ ଦୁବେ, ଆନରିଚ ନର୍ଟଜେ ।
ମୁମ୍ବାଇ ଇଣ୍ଡିଆନ୍ସ(ଚୁଡାନ୍ତ ଏକାଦଶ): କ୍ବିଣ୍ଟନ ଡି କକ୍(ୱିକେଟ କିପର), ଇଶାନ କିଶନ, ସୂର୍ଯ୍ୟକୁମାର ଯାଦବ, ସୌରଭ ତିୱାରୀ, କ୍ରୁଣାଳ ପାଣ୍ଡ୍ୟା, କିରଣ ପୋଲାର୍ଡ(କ୍ୟାପଟେନ), ରାହୁଲ ଚହର, ନାଥନ କୁଲଟର ନାଇଲ, ଜୟନ୍ତ ଯାଦବ, ଟ୍ରେଣ୍ଟ ବୋଲ୍ଟ, ଜଶପ୍ରୀତ ବୁମରା ।
ବ୍ୟୁରୋ ରିପୋର୍ଟ, ଇଟିଭି ଭାରତ
