ହାଇଦ୍ରାବାଦ: ଭାରତୀୟ କ୍ରିକେଟର ସବୁଠାରୁ ସଫଳତ ତମ ଅଧିନାୟକ ଭାବେ ଗଣାଯାଉଥିବା ମହେନ୍ଦ୍ର ସିଂ ଧୋନି ଅନ୍ତର୍ଜାତୀୟ କ୍ରିକେଟକୁ ଅଲବିଦା କହିଛନ୍ତି । କ୍ରିକେଟର ସମସ୍ତ ଫର୍ମାଟରୁ ଅବସର ଗ୍ରହଣ କରିଛନ୍ତି ମାହି । 15 ବର୍ଷର ଧୋନିଙ୍କ କ୍ରିକେଟ କ୍ୟାରିଅର ଶେଷ ହୋଇଛି ।
ତେବେ ପୂର୍ବରୁ ଧୋନି 2014 ମସିହାରେ ଟେଷ୍ଟ କ୍ରିକେଟରୁ ଅବସର ଗ୍ରହଣ କରିଥିଲେ । ବର୍ତମାନ ସେ ସୀମିତ ଓଭର କ୍ରିକେଟର ସମସ୍ତ ଫର୍ମାଟରୁ ଅବସର ଗ୍ରହଣ କରିଛନ୍ତି । ତେବେ ୟୁଏଇରେ ହେବାକୁ ଥିବା ଆଇପଏଲର 13ତମ ସଂସ୍କରଣରେ ନଜର ଆସିବେ ଧୋନି ।
ତେବେ ଅବସର ନେଇ ସୋସିଆଲ ମିଡିଆରେ ଧୋନି ନିଜେ ସୂଚନା ଦେଇଛନ୍ତି । ନିଜ ଇନଷ୍ଟାଗ୍ରାମରେ ଧୋନି ଲେଖିଛନ୍ତି, ‘‘ଆପଣମାନଙ୍କ ଭଲ ପାଇବା ଓ ସମର୍ଥନ ପାଇଁ ଧନ୍ୟବାଦ । ସଂଧ୍ୟା 7.29ରେ ମୁଁ ଅବସର ନେବାକୁ ଚିନ୍ତା କଲି ।’’
