କଟକ: ଡିସେମ୍ବର 22ରେ ବାରବାଟୀରେ ହେବ ଭାରତ-ୱେଷ୍ଟଇଣ୍ଡିଜ ଦିିନିକିଆ ଟକ୍କର । ପୋଲାର୍ଡ଼ଙ୍କ କାରବିଆନ ଟିମ ସହ ମୁହାଁମୁହିଁ ହେବ ବିରାଟ ବାହିନୀ । ସେଥିପାଇଁ ଓସିଏର ପ୍ରସ୍ତୁତି ଶେଷ ପର୍ଯ୍ୟାୟରେ । ନିଜ ପସନ୍ଦର ଖେଳାଳିଙ୍କୁ ପାଖରୁ ଦେଖିପାରିବେ ଓଡିଶା ଦର୍ଶକ । ଏହି ଦିବାରାତ୍ର ମ୍ୟାଚ ପାଇଁ ଡିସେମ୍ବର 5ରୁ 15 ପର୍ଯ୍ୟନ୍ତ ଅନଲାଇନରେ ବିକ୍ରି ହେବ ଟିକେଟ । (www.paytm.com /www.insider.in) ଏହି 2ଟି ୱେବସାଇଟରେ ଦର୍ଶକ ଟିକେଟ ବୁକିଂ କରିପାରିବେ । ଏହାସହିତ ଏହି ଦୁଇଟି ଆପ ମାଧ୍ୟମରେ ମଧ୍ୟ ଟିକେଟ ବୁକିଙ୍ଗ କରିହେବ ।
ଅନଲାଇନ ଟିକେଟ ମୂଲ୍ୟରେ 18 ପ୍ରତିଶତ ଜିଏସଟି ମଧ୍ୟ ସଂଯୋଗ ହୋଇଛି । ଯାହାଦ୍ୱାରା ଟିକେଟ ର ମୂଲ୍ୟ ସାମାନ୍ୟ ବୃଦ୍ଧି ପାଇଛି । ଅନଲାଇନ ଟିକେଟ ବିକ୍ରି ନେଇ ମଙ୍ଗଳବାର ଓସିଏ ପକ୍ଷରୁ ବିଧିବଦ୍ଧ ଭାବେ ସୂଚନା ପ୍ରକାଶ ପାଇଛି । ପ୍ରକାଶ ଯେ, 7 ନଂ ଦର୍ଶକ ଗ୍ୟାଲେରୀକୁ ବନ୍ଦ ରଖାଯାଇଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିିଭି ଭାରତ
