କଟକ: ଡିସେମ୍ବର ୨୨ ତାରିଖରେ ବାରବାଟୀରେ ଖେଳାଯିବ ଭାରତ-ୱେଷ୍ଟଇଣ୍ଡିଜ ଦିିନିକିଆ ସିରିଜର 3ୟ ମ୍ୟାଚ। ସେଥିପାଇଁ ଅଫଲାଇନ ଟିକେଟ ବିକ୍ରୟ ଆରମ୍ଭ ହୋଇଛି। ପ୍ରଥମ ଦିନରେ ଅଧାରୁ ଅଧିକ ଟିକେଟ ବିକ୍ରୟ ହୋଇଥିବା ଜଣାପଡିଛି। ଓସିଏ କନଫରେନ୍ସ ହଲରେ ଓସିଏ ଅନୁବନ୍ଧିତ ସଂସ୍ଥାଙ୍କୁ ଏହି ଟିକେଟ ବିକ୍ରୟ କରାଯାଇଛି। ଓସିଏ ଅନୁବନ୍ଧିତ ବିଭିନ୍ନ ସ୍କୁଲ, କଲେଜ, କ୍ଲବ ଓ ଜିଲ୍ଲାର ଅଧିକାରୀଙ୍କ ପାଇଁ ୮ ହଜାର ୯ ଶହ ୪୬ ଟିକେଟ ବିକ୍ରି ପାଇଁ ଧାର୍ଯ୍ୟ ହୋଇଛି।
ଭିଡିଓ ସୌଜନ୍ୟ: ସମ୍ବାଦଦାତା କଟକ
ଅନ୍ୟପଟେ ଆଜି ଅଧାରୁ ଅଧିକ ଟିକେଟ ବିକ୍ରି ହେବା ପରେ ବଳକା ଟିକେଟ ଆସନ୍ତାକାଲି ବିକ୍ରୟ କରାଯିବ। ସକାଳ 10ଟାରୁ ଅପରାହ୍ନ 5ଟା ପର୍ଯ୍ୟନ୍ତ ଏହି ବଳକା ଟିକେଟ ବିକ୍ରୟ ହେବ। ଆଜି ଶୃଙ୍ଖଳାର ସହ ଟିକେଟ ବିକ୍ରୟ କରାଯାଇଛି। ଅଥରାଇଜ ପେପର ଦେଖାଇ ଟିକେଟ କାଉଣ୍ଟରରୁ ଟିକେଟ ସଂଗ୍ରହ କରିଛନ୍ତି ଓସିଏ ଅନୁବନ୍ଧିତ ସଦସ୍ୟ।
କଟକରୁ ନାରାୟଣ ସାହୁ, ଇଟିଭି ଭାରତ
