ବିଶାଖାପଟନମ: ଦ୍ବିତୀୟ ଦିନିକିଆରେ ୱେଷ୍ଟଇଣ୍ଡିଜକୁ 107 ରନରେ ମାତ ଦେଇଛି ଭାରତ । ଏହି ବିଜୟ ସହ ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜକୁ ଭାରତ 1-1ରେ ବରାବର କରିଛି । ଆସନ୍ତା 22 ତାରିଖରେ କଟକରେ ଖେଳାଯିବାକୁ ଥିବା ତୃତୀୟ ତଥା ଅନ୍ତିମ ଦିନିକିଆ ଉଭୟ ଦଳ ପାଇଁ ନିର୍ଣ୍ଣାୟକ ହେବ । ପ୍ରଥମେ ବ୍ୟାଟିଂ କରି ଭାରତ 387 ରନର ବିଶାଳ ସ୍କୋର କରି ଭ୍ରମଣକାରୀ ଦଳ ପାଇଁ 388 ରନର ଟାର୍ଗେଟ ରଖିଥିଲା । ପ୍ରତିଉତ୍ତରରେ ଇଣ୍ଡିଜ ଦଳ 280 ରନରେ ଅଲ ଆଉଟ ହୋଇଥିଲା । ଭାରତ ପକ୍ଷରୁ କୁଲଦୀପ ଯାଦବ ହ୍ୟାଟ୍ରିକ ଏବଂ ମହମ୍ମଦ ସାମି ତିନୋଟି ୱିକେଟ ନେଇଛନ୍ତି ।
ପ୍ରଥମେ ବ୍ୟାଟିଂ କରି ଭାରତ ପକ୍ଷରୁ ଓପନର ରୋହିତ ଶର୍ମା ଓ କେଏଲ ରାହୁଲ ପ୍ରଥମ ୱିକେଟ ପାଇଁ ଉଭୟ 227ରନର ଭାଗିଦାରୀ କରିଥିଲେ । 102 ରନ କରି ରାହୁଲ ଆଉଟ ହେବା ପରେ ଅଧିନାୟକ କୋହଲି ମଧ୍ୟ ବିନା ଖାତା ଖୋଲି ପଭିଲିଅନ ଫେରି ଯାଇଥିଲେ । ଏହାପରେ ଶ୍ରେୟସ ଆୟାର ଓ ରୋହିତଙ୍କ ମଧ୍ୟରେ ହୋଇଥିଲା ଭାଗିଦାରୀ । ଦମଦାର ବ୍ୟାଟିଂ କରି ରୋହିତ 159 ରନ କରି ଆଉଟ ହୋଇଥିଲେ । ଏହାପରେ କ୍ରିଜକୁ ଆସିଥିଲେ ଋଷଭ ପନ୍ତ ଆଉ ଇଣ୍ଡିଜ ବୋଲରଙ୍କ ଖୁବ ଧୁଲାଇ କରିଥିଲେ । ଷ୍ଟାଡିୟମରେ ଛକା ଓ ଚୌକା ବର୍ଷା କରିଥିଲେ ଶ୍ରେୟାସ ଓ ପନ୍ତ । ଉଭୟ ମିଶି ଭାରତର ସ୍କୋର 360 ପାର କରାଇଥିଲେ । ମାତ୍ର 16 ବଲରେ 4 ଛକା ଓ 3 ଚୌକା ସହ 39 ରନ କରିଥିଲେ ପନ୍ତ । ଶ୍ରେୟାସ ଆୟର ମଧ୍ୟ ଅନୁରୂପ ଭାବେ 4 ଛକା ଓ 3 ଚୌକା ସହ 32 ବଲରେ 53 ରନ ସଂଗ୍ରହ କରି ଆଉଟ ହୋଇଥିଲେ । ନିର୍ଦ୍ଧାରିତ 50 ଓଭରରେ 387 ରନ କରି ଭାରତ 388 ରନର ଟାର୍ଗେଟ ଦେଇଥିଲା ଇଣ୍ଡିଜକୁ ।
-
#TeamIndia beat West Indies by 107 runs in the 2nd ODI🙌#INDvWI pic.twitter.com/T1JpTbWAzm
— BCCI (@BCCI) December 18, 2019 " class="align-text-top noRightClick twitterSection" data="
">#TeamIndia beat West Indies by 107 runs in the 2nd ODI🙌#INDvWI pic.twitter.com/T1JpTbWAzm
— BCCI (@BCCI) December 18, 2019#TeamIndia beat West Indies by 107 runs in the 2nd ODI🙌#INDvWI pic.twitter.com/T1JpTbWAzm
— BCCI (@BCCI) December 18, 2019
ବିଶାଳ ସ୍କୋରକୁ ପିଛା କରି ପଡ଼ିଆକୁ ଓହ୍ଲାଇଥିବା ଇଣ୍ଡିଜ ଦଳର ଆରମ୍ଭ ଖୁବ ଧିମା ହୋଇଥିଲା । ଓପନର ଲୁଇସ ଓ ହୋପ ପ୍ରଥମ ୱିକେଟ ପାଇଁ 61 ରନର ଭାଗିଦାରୀ କରିବା ପରେ ଶାର୍ଦୁଲ ଠାକୁରଙ୍କ ଶିକାର ହେଲେ ଲୁଇସ । ଏହାପରେ ହିଟମେୟରଙ୍କୁ 4 ରନରେ ରନ ଆଉଟ କଲେ ଶ୍ରେୟାସ ଆୟାର । ରବିନ୍ଦ୍ର ଜାଡେଜା ରୋଷ୍ଟନ ଚେଜଙ୍କୁ ଆଉଟ କଲେ । ଚେଜ 4 ରନ କରି ଆଉଟ ହୋଇଥିଲେ । ନିକୋଲସ ପୂରନ ସାମିଙ୍କ ବଲରେ କୁଲଦୀପ ହାତରେ କ୍ୟାଚ ଆଉଟ ହେଲେ । ପୂରନ ଓ ହୋପଙ୍କ ମଧ୍ୟରେ ଚତୁର୍ଥ ୱିକେଟ ପାଇଁ 106 ରନର ଭାଗିଦାରୀ ହୋଇଥିଲା । ସାମି ଇଣ୍ଡିଜ ଅଧିନାୟକ କିରନ ପୋଲାର୍ଡଙ୍କୁ ଶୂନ ରନରେ ପଭିଲିୟନର ରାସ୍ତା ଦେଖାଇଥିଲେ । ଏହା ପରେ କୁଲଦୀପ ନିଜର ପ୍ରଥମ ଶିକାର ୱେଷ୍ଟଇଣ୍ଡିଜ ବ୍ୟାଟ୍ସମ୍ୟାନ ଶାଇ ହୋପଙ୍କୁ କରିଥିଲେ । ପରେ ଜେସନ ହୋଲ୍ଡର ଓ ଶେଷର ଫାଷ୍ଟ ବୋଲର ଅଲଜାରି ଜୋଶେଫଙ୍କୁ ଆଉଟ କରି ହ୍ୟାଟ୍ରିକ ୱିକେଟ ନେଇଥିଲେ । ଯାହାପରେ ଅନ୍ୟ ବ୍ୟାଟ୍ସମ୍ୟାନ ମଧ୍ୟ ଅଧିକ ସମୟ କ୍ରିଜରେ ତିଷ୍ଟି ପାରିନଥିଲେ ଓ ୱେଷ୍ଟ ଇଣ୍ଡିଜର ପାଳି 280 ରନରେ ସୀମିତ ହୋଇଯାଇଥିଲା ।
ତେବେ ଏହି ମ୍ୟାଚ ପରେ ଏବେ ସଭିଙ୍କ ନଜର ରହିବ ତୃତୀୟ ଦିନିକିଆ ଉପରେ, ଯାହା 22 ଡିସେମ୍ବରରେ କଟକ ଠାରେ ଖେଳାଯିବ । ଉଭୟ ଟିମ କଟକ ଦିନିକିଆ ଜିତି ସିରିଜ ହାତେଇବାକୁ ଚେଷ୍ଟା କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
