ଧର୍ମଶାଳା: ନ୍ୟୁଜିଲାଣ୍ଡ ଗସ୍ତରେ ଭୋଗିଥିବା ପରାଜୟକୁ ଭୁଲି ଦକ୍ଷିଣ ଆଫ୍ରିକା ବିପକ୍ଷରେ ନୂଆ ଆରମ୍ଭ କରିବାକୁ ଯାଉଛି ବିରାଟ ବାହିନୀ । ଦିନିକିଆ ଓ ଟେଷ୍ଟ ସିରିଜ ପରାଜୟ ପରେ ଟିମ ଇଣ୍ଡିଆର ପ୍ରଦର୍ଶନକୁ ନେଇ ଅନେକ ପ୍ରଶ୍ନ ଉଠିଛି । ତେବେ ନୂଆ ରଣନୀତି ସହ ଧର୍ମଶାଳାରେ ଦମ ଦେଖାଇବା ମୁଡରେ ରହିଛି ଟିମ ଇଣ୍ଡିଆ । ଏଥସହିତ ବିଜୟ ଟ୍ରାକକୁ ଫେରିବା ଲକ୍ଷ୍ୟରେ ମଧ୍ୟ ରହିଛି ଭାରତୀୟ ଦଳ ।
ଟି-20 ବିଶ୍ବକପକୁ ଆଉ ଅଳ୍ପଦିନ ଥିବାବେଳେ, କ୍ୟାପଟେନ ବିରାଟ କୋହଲିଙ୍କ ଫର୍ମକୁ ନେଇ ମଧ୍ୟ ଚିନ୍ତାରେ ଭାରତୀୟ ପ୍ରଶଂସକ । ବିରାଟ କୋହଲିଙ୍କ ପରି ବିଶ୍ବ କ୍ରିକେଟର ଶ୍ରେଷ୍ଠ ବ୍ୟାଟ୍ସମ୍ୟାନ ଖୁବଶ୍ରୀଘ୍ର ଏକ ବିରାଟ ଇଂନିସ ଖେଳିବେ ବୋଲି ଆଶାରହିଛି । ତେବେ ବିରାଟ ବଡ ରେକର୍ଡ ଠାରୁ ଆଉମାତ୍ର 133 ରନର ଦୂରରେ ରହିଛନ୍ତି ।
ଦିନିକିଆ କ୍ରିକେଟରେ 12,000 ରନ ପୂରଣ କରିବାରେ କୋହଲି ମାତ୍ର 133 ରନ ଦୂରରେ ରହିଛନ୍ତି । ଦକ୍ଷିଣ ଆଫ୍ରିକା ବିପକ୍ଷ ସିରିଜରେ କୋହଲି ଏହି ରନ ସଂଗ୍ରହ କରିବା ପରେ ମହାନ କ୍ରିକେଟର ସଚିନ ତେନ୍ଦୁଲକରଙ୍କ ଦ୍ରୁତ 12,000 ରନ ସଂଗ୍ରହ ରେକର୍ଡକୁ ଅତିକ୍ରମ କରିପାରନ୍ତି । କୋହଲି 239ଟି ଇଂନିସରୁ 11,867 ରମ ସଂଗ୍ରହ କରସାରିଛନ୍ତି । ତେନ୍ଦୁଲକର 12,000 ରନ ପୂରଣ କରିବାକୁ 300 ଇଂନିସ ନେଇଥିଲେ । ପୂର୍ବତନ ଅଷ୍ଟ୍ରେଲିଆ କ୍ୟାପଟେନ ରିକି ପଏଣ୍ଟିଂ ଏହି ତାଲିକାର 2ୟ ସ୍ଥାନରେ ରହିଛନ୍ତି । 314 ଇଂନିସରୁ 12,000 ରନ ପୂରଣ କରିଥିଲେ ପଏଣ୍ଟିଂ । ଏହି ଶ୍ରୀଲଙ୍କାର ପୂର୍ବତନ କ୍ୟାପଟେନ କୁମାରା ସାଙ୍ଗାକାରା ମଧ୍ୟ ରହିଛନ୍ତି । ସାଙ୍ଗାକାରା 337 ଇଂନିସରୁ ଏହି ମାଇଲଷ୍ଟୋନକୁ ଅତିକ୍ରମ କରିଛନ୍ତି ।
ଦ୍ରୁତତମ 12,000 ଦିନିକିଆ ରନ ହାସଲକାରୀ ବ୍ୟାଟ୍ସମ୍ୟାନ:
ସଚିନ ତେନ୍ଦୁଲକର 300 ଇଂନିସ
ପୂର୍ବତନ ଅଷ୍ଟ୍ରେଲିଆ କ୍ୟାପଟେନ ରିକି ପଏଣ୍ଟିଂ 314 ଇଂନିସ
ଶ୍ରୀଲଙ୍କାର ପୂର୍ବତନ କ୍ୟାପଟେନ କୁମାରା ସାଙ୍ଗାକାରା 337 ଇଂନିସ
ସନଥ ଜୟସୁରିୟା 379 ଇଂନିସ
ମାହେଲା ଜୟବର୍ଦ୍ଧନେ 399 ଇଂନିସ
ବ୍ୟୁରୋ ରିପୋର୍ଟ, ଇଟିଭି ଭାରତ
