ଚେନ୍ନାଇ: 1-1ରେ ସିରିଜ ବରାବର କଲା ଟିମ ଇଣ୍ଡିଆ । ଘରୋଇ ଗ୍ରାଉଣ୍ଡରେ 317ରନ୍ରେ ମାତ୍ ଦେଇ 2ୟ ଟେଷ୍ଟ ମ୍ୟାଚ ଜିତିଛି ବିରାଟ ବାହିନୀ । ଅତିଥି ଦଳକୁ ଭାରତ 482ରନ୍ର ବିଶାଳ ବିଜୟଲକ୍ଷ୍ୟ ଦେଇଥିଲା ଭାରତ ଦଳ । କିନ୍ତୁ ଇଂଲଣ୍ଡ ମାତ୍ର 164ରନ୍ କରି ଅଲଆଉଟ୍ ହୋଇଛି । 4ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଏବେ ବରାବର ରହିଛି ।
ଭାରତ ପକ୍ଷରୁ ଅକ୍ଷର ପଟେଲ ସର୍ବାଧିକ 5ଟି ଓ୍ବିକେଟ ହାତେଇଥିବାବେଳେ , ଅଶ୍ବିନ 3 ଓ କୁଲଦୀପ ଯାଦବ 2ଟି ଓ୍ବିକେଟ ଅକ୍ତିଆର କରିଛନ୍ତି । ତେବେ ଲକ୍ଷ୍ୟକୁ ପିଛା କରୁଥିବା ଇଂଲଣ୍ଡ ଦଳ ପକ୍ଷରୁ ସର୍ବାଧିକ 43ରନ୍ ସଂଗ୍ରହ କରିଛନ୍ତି ମୋଇନ ଅଲ୍ଲି । ଏଥିସହ ଅଧିନାୟକ ରୁଟ୍ 33ରନ୍ ସଂଗ୍ରହ କରିଛନ୍ତି ।
ସୂଚନାଥାଉକି, 2ୟ ଟେଷ୍ଟରେ ହିଁ ଭାରତର ଷ୍ଟାଡିୟମରେ ଦର୍ଶକଙ୍କୁ ଅନୁମତି ମିଳିଛି । ଏହି ବିଜୟ ଦର୍ଶକଙ୍କ ପାଇଁ ଏହା କୌଣସି ଉପହାରରୁ କମ୍ ନୁହେଁ ।
