ହାଇଦ୍ରାବାଦ: ଭାରତୀୟ ଟିମ ଆଗାମୀ 3 ନଭେମ୍ବରରୁ ବାଂଲାଦେଶ ବିପକ୍ଷରେ ଘରୋଇ ଟି-20 ସିରିଜ ଖେଳିବ । ତେବେ ବିସିଆଇ ଚୟନ ସମିତି ଆଜି ବାଂଲାଦେଶ ବିପକ୍ଷରେ ଟ-20 ସିରିଜ ପାଇଁ 15 ଜଣିଆ ଟିମର ଘୋଷଣା କରିବ ।
ତେବେ ଅଧିନାୟକ କୋହଲିଙ୍କୁ ଆଗାମୀ ଟି-20 ସିରିଜରୁ ବିଶ୍ରାମ ଦିଆଯାଇପାରେ । କାରଣ ବିଶ୍ବକପ ପର ଠାରୁ କ୍ରମାଗତ ବିରାଟ ଖେଳି ଆସୁଛନ୍ତି । ଯଦି ବିରାଟଙ୍କୁ ବିଶ୍ରାମ ଦିଆଯାଏ ତେବେ ଉପଅଧିନାୟକ ରୋହିତ ଶର୍ମାଙ୍କୁ ଅଧିନାୟକ ଦାୟିତ୍ବ ମିଳିବ ।
ଏପଟେ ସମିତି ଓଭରରେ 4ର୍ଥ ନଂରେ ଶ୍ରେୟସ ଭଲ ପ୍ରଦର୍ଶନ କରୁଛନ୍ତି । ତେଣୁ ଚୟନକର୍ତ୍ତା ଅୟରଙ୍କୁ ସୁଯୋଗ ଦେବାର ସମ୍ଭାବନା ରହିଛି । ସେହିପରି ବିଜୟ ହଜାରେ ଟ୍ରଫିରେ ମନୀଷ ପାଣ୍ଡେ ସାନଦାର ଫର୍ମରେ ଅଛନ୍ତି । ତେଣୁ ତାଙ୍କୁ ଟିମରେ ସାମିଲ କରାଯାଇ ପାରେ । ତେବେ ଋଷିଭ ପନ୍ତଙ୍କ ପ୍ରଦର୍ଶନକୁ ନେଇ ପ୍ରଶ୍ନ ଉଠୁଥିବାବେଳେ ତାଙ୍କ ସ୍ଥାନରେ ଓ୍ବିକେଟକିପର ରୂପରେ ସଞ୍ଜୁ ସାମସନଙ୍କୁ ସୁଯୋଗ ମିଳିପାରେ ।
ଆହତ ହାର୍ଦ୍ଦିକ ପାଣ୍ଡ୍ୟାଙ୍କ ଅନୁପସ୍ଥିତିରେ ଶିବମ ଦୁବେଙ୍କୁ ସୁଯୋଗ ମିଳିପାରେ । ମୁମ୍ବାଇର ଅଲରାଉଣ୍ଡର ଶିବମଙ୍କୁ ଭାରତୀୟ ଦଳରେ ସାମିଲ କରାଯିବାକୁ ନେଇ ଆଲୋଚନା ହେଉଛି ।
ଭାରତୀୟ ଦ୍ରୁତ ବୋଲର ଜସପ୍ରୀତ ବୁମରାହ ଆହତ କାରଣରୁ ଖେଳରୁ ଦୂରେଇ ରହିଛନ୍ତି । ତେଣୁ ଯୁବ ଖେଳାଳି ନବଦୀପ ଓ ଦୀପକଙ୍କୁ ଟିମରେ ସାମିଲ କରାଯିବ । ସେହିପରି ଭୁବନେଶ୍ବର କୁମାର ଦ.ଆଫ୍ରିକା ସିରିଜରୁ ବାଦ୍ ପଡିଥିଲେ । ତେଣୁ ବାଂଲା ବୁପକ୍ଷରେ କମ୍ବ୍ୟାକ କରି ପାରନ୍ତି । ଅନ୍ୟପଟେ ଏକମାତ୍ର ବାମହାତି ବୋଲର ଖଲିଲ ଅହମ୍ମଦଙ୍କ ଚୟନ ହୋଇପାରେ । କାରଣ ସେ ଟି-20 ଫର୍ମାଟରେ ଭଲ ପ୍ରଦର୍ଶନ କରି ଆସୁଛନ୍ତି ।
ଭାରତୀୟ ସମ୍ଭାବିତ ଦଳ:
ରୋହିତ ଶର୍ମା(ଅଧିନାୟକ), ଶିଖର ଧଓ୍ବନ, କେ.ଏଲ ରାହୁଲ, ମନିଷ ପାଣ୍ଡେ, ଶ୍ରେୟସ ଅୟର, ଋଷଭ ପନ୍ତ, ସଞ୍ଜୁ ସାମସନ, କୃଣାଳ ପାଣ୍ଡ୍ୟା, ରବିନ୍ଦ୍ର ଜାଡେଜା, ଓ୍ବାଶିଂଟନ ସୁନ୍ଦର, ରାହୁଲ ମହର, ଭୁବନେଶ୍ବର କୁମାର, ଦୀପକ ଚହର, ନବଦୀପ ସାଇନି, ଖଲିଲ ଅହମ୍ମଦ
