ନୂଆଦିଲ୍ଲୀ: ଇମ୍ରାନ ଖାନଙ୍କ ଅଧିନାୟକତ୍ବରେ ପାକିସ୍ତାନ କ୍ରିକେଟ ଟିମ ସହ ବର୍ତ୍ତମାନ କୋହଲିଙ୍କ ନେତୃତ୍ବରେ ଟିମ ଇଣ୍ଡିଆକୁ ତୁଳନା କରିଛନ୍ତି ପୂର୍ବତନ କ୍ରିକେଟର ସଞ୍ଜୟ ମଞ୍ଜରେକର । ନ୍ୟୁଜିଲାଣ୍ଡ ବିପକ୍ଷ 5 ଟିକିଆ ଟି-20 ସିରିଜକୁ କ୍ଳିନ ସୁଇପ କରିଛି ଭାରତୀୟ ଦଳ । ତେବେ ଶେଷ 3ଟି ମ୍ୟାଚରେ ନ୍ୟୁଜିଲାଣ୍ଡ ହାତରୁ ମ୍ୟାଚ ଛଡାଇ ନେଇଥିଲେ ଭାରତୀୟ ଖେଳାଳି । ଏହାକୁ ନେଇ ଟିପ୍ପଣୀ କରିଛନ୍ତି ମଞ୍ଜରେକର ।
ଏଥିସହିତ ଓପନର- ୱିକେଟ କିପର ବ୍ୟାଟ୍ସମ୍ୟାନ ଲୋକେଶ ରାହୁଲଙ୍କ ପ୍ରଦର୍ଶନକୁ ପ୍ରଂଶସା କରିଛନ୍ତି ମଞ୍ଜରେକର । ତେବେ ପାକିସ୍ତାନ ଟିମର ପୂର୍ବତନ କ୍ୟାପଟେନ ତଥା ବର୍ତ୍ତମାନର ପାକ ପ୍ରଧାନମନ୍ତ୍ରୀଙ୍କ ଟିମ ସହ ଭାରତୀୟ ଦଳର ତୁଳନାକୁ ଭାରତୀୟ ଫ୍ୟାନ୍ସ ଅସନ୍ତୋଷ ଜାହିର କରିଛନ୍ତି । ଫଳରେ ମଞ୍ଜରେକର ସୋସିଆଲ ମିଡିଆରେ ଫ୍ୟାନ୍ସଙ୍କ ରୋଷର ଶିକାର ହୋଇଛନ୍ତି ।
