ପୋର୍ଟ ଅଫ୍ ସ୍ପେନ୍: ଚଳିତ ଭାରତ-ଇଣ୍ଡିଜ ଦିନିକିଆ ସିରିଜର ଶେଷ ଦିନିକିଆରେ ଜବରଦସ୍ତ ଆରମ୍ଭ କରିଛି ଘରୋଇ ଦଳ । ପ୍ରଥମ ୱିକେଟ ଯୋଡିରେ 115ରନ କରିଛି ଇଣ୍ଡିଜ । ସମ୍ଭବତଃ ଶେଷ ଅନ୍ତର୍ଜାତୀୟ ମ୍ୟାଚ୍ ଖେଳୁଥିବା ଗେଲ ଭାରତୀୟ ବୋଲରଙ୍କୁ ଜବରଦସ୍ତ ପ୍ରହାର ଦେଇଛନ୍ତି । 41 ବଲରେ 72ରନ କରିଛନ୍ତି ଗେଲ । ତାଙ୍କ ଏହି ପାଳିରେ ସାମିଲ ରହିଛି 5ଟି ଛକା ଓ 8ଟି ଚୌକା ।
ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରୁଛି ୱେଷ୍ଟଇଣ୍ଡିଜ୍ । ଶେଷ ଅପଡେଟ୍ ସୁଦ୍ଧା 22 ଓଭରରେ 2ଦୁଇ ୱିକେଟ ହରାଇ 158 ରନ କରିଛି ଘରୋଇ ଇଣ୍ଡିଜ୍ ।
ଟି-20 ସିରିଜକୁ 3-0ରେ କ୍ଳିନ ସୁଇପ କରିବା ପରେ 2ୟ ଦିନିକିଆ ମଧ୍ୟ ହାତେଇଥିଲା ଅତିଥି ଭାରତ । ତେବେ ଏହି 3 ମ୍ୟାଚ ବିଶିଷ୍ଟ ଦିନିକିଆ ସିରିଜର ଆଜି ମ୍ୟାଚ ଜିତି ସିରିଜ ହାତେଇବା ଲକ୍ଷ୍ୟ ବିରାଟ ବାହୀନି । ସେହିପରି ଆଜିର ମ୍ୟାଚ ଜିତି ସିରିଜକୁ 1-1ରେ ବରାବର କରିବା ଲକ୍ଷ୍ୟରେ ଘରୋଇ ଦଳ ।
