ହାଇଦ୍ରାବାଦ: ସୋମବାର ଅପରାହ୍ନ 3ଟାରେ ଘୋଷଣା ହେଇଛି 15 ଜଣିଆ ଭାରତୀୟ ଦଳ। ତେବେ ରେକର୍ଡ ଓ ଅଙ୍କ ଗଣତି ହିସାବରେ ଏହି ଭାରତୀୟ 15 ଜଣିଆ ଦଳ ଘୋଷିତ ହୋଇଛି।
ଓପନିଂ ଯୋଡି ଶିଖର ଧୱନ ଓ ରୋହିତ ଶର୍ମା । ତେବେ 128 ମ୍ୟାଚରୁ 5355ରନ କରିସାରିଛନ୍ତି । ତାଙ୍କର ଦିନିକିଆ ବେଷ୍ଟ ରହିଛି 143ରନ । ସେହିପରି ହିଟ ମ୍ୟାନ ରୋହିତ ଶର୍ମା 206ଟି ମ୍ୟାଚ ଖେଳିସାରିଛନ୍ତି । ସେ ଏଯାଏଁ 8010ରନ କରିସାରିଛନ୍ତି । ତାଙ୍କର ଦିନିକିଆ ବେଷ୍ଟ ରହିଛି 264ରନ। ତେବେ ଏହି ବିସ୍ଫୋରକ ଭାରତୀୟ ଓପନର ଯୋଡି ଏବେ ଦମଦାର ଫର୍ମରେ ରହିଛି।
ସେହିପରି ବ୍ୟାକ ଅପ ଓପନର ଭାବେ କେଏଲ ରାହୁଲ ରହିଛନ୍ତି । ସେ 14ଟି ଦିନିକିଆରୁ 343ରନ ସଂଗ୍ରହ କରିଛନ୍ତି । ତେବେ ଏଥିରେ ତାଙ୍କ ଗୋଟିଏ ଶତକ ଓ ଦୁଇଟି ଅର୍ଦ୍ଧଶତକ ସାମିଲ ରହିଛି । ତେଣୁ ବ୍ୟାକ ଅପ ଓପନର ପାଇଥିବା କେଏଲ ରାହୁଲ ମଧ୍ୟ ଶାନାଦାର ଫର୍ମରେ ରହିଛି।
ସେହିପରି 3ୟ ସ୍ଥାନରେ ଖୋଦ ଅଧିନାୟକ ବିରାଟ କୋହଲି । ତେବେ ଦଳର ମେରୁଦଣ୍ଡ ସାଜିଛନ୍ତି ବିରାଟ । ଦିନିକିଆରେ 10ହଜାରରୁ ବି ଅଧିକ ରନ କରିଛନ୍ତି ବିରାଟ । ଅନ୍ୟପଟେ ଚତୁର୍ଥ ସ୍ଥାନରେ କେଦାର ଯାଦବ । ସେହିପରି ବ୍ୟାକ ଅଫ ଅଲରାଉଣ୍ଡର ତଥା ପେସର ବିଜୟ ଶଙ୍କର ମଧ୍ୟ 4ର୍ଥ ସ୍ଥାନରେ ଖେଳିପାରନ୍ତି । 5ମ ସ୍ଥାନରେ ଏମଏସ ଧୋନି( ୱିକେଟ କିପର ବ୍ୟାଟ୍ସମ୍ୟାନ ) । ଅନ୍ୟପଟେ ବ୍ୟାକଅପ ୱିକେଟ କିପର ଦିନେଶ କାର୍ତ୍ତିକଙ୍କୁ ମଧ୍ୟ 4ର୍ଥ ସ୍ଥାନରେ ପରୀକ୍ଷା କରିବ ଦଳ । ଷଷ୍ଠ ସ୍ଥାନରେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା।
ତେବେ ପେସ ବୋଲିଂ ତାଲିକାରେ ସପ୍ତମ ସ୍ଥାନରେ ଭୁବନେଶ୍ବର କୁମାର। 8ମ ସ୍ଥାନରେ ଜଶପ୍ରୀତ ବୁମରା, 9ମ ସ୍ଥାନରେ ମହମ୍ମଦ ସାମି ରହିଛନ୍ତି । ସେହିପରି ସ୍ପିନ ବିଭାଗ ସମ୍ପୂର୍ଣ୍ଣ କୁଳ-ଚାଙ୍କ ଯୋଡି ପାଖେର ରହିଛି। ଅର୍ଥାତ 10ମ ସ୍ଫଟଟି କୁଳଦୀପ ଯାଦବ। 11ତମ ସ୍ପଟଟି ୟୁଜୁବେନ୍ଦ୍ର ଚହଲ ପାଇବେ । ଅନ୍ୟପଟେ 15ନମ୍ବର ଖେଳାଳି ଭାବରେ ରବିନ୍ଦ୍ର ଯାଡେଜା ଦଳରେ ସ୍ଥାନ ପାଇଛନ୍ତି ।
ଶେଷରେ 5-ସ୍ପେଶାଲିଷ୍ଟ ବ୍ୟାଟ୍ସମ୍ୟାନ, 3-ଅଲରାଉଣ୍ଡର, 3-ଫାଷ୍ଟ ବୋଲର ଓ ଦୁଇ ରିଷ୍ଟ ସ୍ପିନରଙ୍କୁ ନେଇ ଘୋଷିତ ହୋଇଛି ଏକ ବାଲାନ୍ସ ଟିମ୍ ।
ଭାରତୀୟ ଦଳ
ଶିଖର ଧୱନ
ରୋହିତ ଶର୍ମା
ବିରାଟ କୋହଲି
କେଦାର ଯାଦବ
ଏମଏସ ଧୋନି
ହାର୍ଦିକ ପାଣ୍ଡ୍ୟା
ଭୁବନେଶ୍ବର କୁମାର
ଜଶପ୍ରୀତ ବୁମରା
ମହମ୍ମଦ ସାମି
କୁଳଦୀପ ଯାଦବ
ୟୁଜୁବେନ୍ଦ୍ର ଚହଲ
ଦିନେଶ କାର୍ତ୍ତିକ
କେଏଲ ରାହୁଲ
ବିଜୟ ଶଙ୍କର
ରବୀନ୍ଦ ଯାଡେଜା
